ನವದೆಹಲಿ: ಇಸ್ಲಾಮಾಬಾದ್‌ಗೆ ಅಮೆರಿಕನ್ F-16 ಭದ್ರತಾ ಸಹಾಯದ ಬಗ್ಗೆ ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಪ್ರಶ್ನೆ ಮಾಡಿದ್ದರು. ಇದರ ಬೆನ್ನಲ್ಲೇ ಯುಎಸ್ ಪ್ರೆಸಿಡೆಂಟ್ ಜೋ ಬೈಡೆನ್ ಸರ್ಕಾರ, ಭಾರತ ಮತ್ತು ಪಾಕಿಸ್ತಾನ ಎರಡೂ ದೇಶಗಳು ಅಮೇರಿಕಾದ ಪಾಲುದಾರರೇ ಎನ್ನುವ ಮೂಲಕ ಜೈಶಂಕರ್ಗೆ ತಿರುಗೇಟು ನೀಡಿ ಪತ್ರಿಕಾ ಹೇಳಿಕೆಯೊಂದನ್ನು ಹೊರಡಿಸಿದೆ.
ಸಚಿವ ಜೈಶಂಕರ್ ಪಾಕಿಸ್ತಾನಕ್ಕೆ ಸಹಾಯ ಮಾಡಿದ್ದ ಅಮೇರಿಕಾ ವಿರುದ್ಧ ಅಮೆರಿಕದ ಅನಿವಾಸಿ ಭಾರತೀಯರೊಂದಿಗೆ ಸಂವಾದ ನಡೆಸಿದ ವೇಳೆ ಕೆಂಡಕಾರಿದ್ದರು. F-16 ಫೈಟರ್ ಜೆಟ್‌ಗಳನ್ನು ಯಾರ ವಿರುದ್ಧ ಬಳಸುತ್ತಾರೆ ಎಂದು ಗೊತ್ತಿದೆ ಎಂದು ಹೇಳಿದ್ದರು.
ಇದಕ್ಕೆ ಪ್ರತಿಕ್ರಿಯೆ ಮಾಡಿರುವ ಜೋ ಬೈಡೆನ್ ಸರ್ಕಾರ, ಭಾರತ, ಪಾಕ್ ನಮ್ಮ ಪಾಲುದಾರರು. ನಾವು ಯಾರೊಂದಿಗೂ ಸಂಬಂಧ ಬೆಳೆಸೋದಿಲ್ಲ ಎಂದು ಹೇಳಿದೆ. ನಾವು ಪಾಕ್ ಹಾಗೂ ಭಾರತದೊಂದಿಗೆ ಭಿನ್ನ ವಿಚಾರಗಳಿಗಾಗಿ ಒಪ್ಪಂದ ಮಾಡಿಕೊಂಡು ವ್ಯವಹಾರ ಮಾಡಲಾಗುತ್ತಿದೆ. ಇದು ಸಂಪೂರ್ಣ ಎರಡು ರಾಷ್ಟ್ರಗಳಿಗೆ ಅಗತ್ಯ ಮೇರೆಗೆ ಮಾಡಿಕೊಂಡ ಒಪ್ಪಂದಗಳಾಗಿದ್ದು, ಇದರಿಂದ ಯಾರಿಗೂ ತೊಂದರೆ ಇಲ್ಲ ಎಂದು ಸ್ಪಷ್ಟಪಡಿಸಿದೆ.
