ಜೊಯಿಡಾ: ತಾಲೂಕಿನ ನಂದಿಗದ್ದಾ ಗ್ರಾಮ ಪಂಚಾಯತ ವ್ಯಾಪ್ತಿಯ ದಾನಗೇರಿಯಲ್ಲಿ ಇವತ್ತು ಬೆಳಗ್ಗೆ ಕಾಡುಹಂದಿ ದಾಳಿ ಮಾಡಿ ವ್ಯಕ್ತಿಯೊಬ್ಬರನ್ನು ಗಾಯಗೊಳಿಸಿದೆ. ದಯಾನಂದ ದಾನಗೇರಿ ಎನ್ನುವ ರೈತ ಕಾಡುಹಂದಿ ದಾಳಿಯಿಂದ ಗಾಯಗೊಂಡ ವ್ಯಕ್ತಿ.
ಇವರ ಕಾಲಿಗೆ ಕಾಡುಹಂದಿ ತನ್ನ ಕೋರೆ ಹಲ್ಲಿನಿಂದ ತಿವಿದು ಗಾಯಗೊಳಿಸಿದೆ. ನಂತರ ದಾಂಡೇಲಿ ಸರಕಾರಿ ಆಸ್ಪತ್ರೆಯಲ್ಲಿ ಹೆಚ್ಚಿನ ಚಿಕಿತ್ಸೆ ನೀಡಲಾಗುತ್ತಿದೆ. ಬೆಳಿಗ್ಗೆ ಮನೆ ಪಕ್ಕದಲ್ಲಿ ಇರುವ ಒಣಹುಲ್ಲು ತರುವ ಸಂದರ್ಭದಲ್ಲಿ ದೊಡ್ಡ ಗಾತ್ರದ ಒಂಟಿ ಕಾಡುಹಂದಿ ಮೈಮೇಲೆ ಎರಗಿದೆ. ಆದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದೆನೆ ಎಂದು ದಯಾನಂದ ದಾನಗೇರಿ ತಿಳಿಸಿದ್ದಾರೆ.
