ಜೊಯಿಡಾ: ತಾಲೂಕಿನ ನಾಗೋಡಾ ಗ್ರಾಮ ಪಂಚಾಯತ ವ್ಯಾಪ್ತಿಯ ವಾಗೇಲಿ ಊರಿಗೆ ನೂತನವಾಗಿ ಕೆಎಸ್‌ಆರ್‌ಟಿಸಿ ಬಸ್ ಸಂಚಾರ ಪ್ರಾರಂಭವಾಗಿದ್ದು ನಾಗೊಡಾ ಗ್ರಾಮ ಪಂಚಾಯತ ಅಧ್ಯಕ್ಷ ದಿಗಂಬರ ದೇಸಾಯಿ ಬಸ್ ಗೆ ಪೂಜೆ ಸಲ್ಲಿಸಿ ಸಂಚಾರಕ್ಕೆ ಚಾಲನೆ ನೀಡಿದರು.
ತಾಲೂಕಿನ ಅನೇಕ ಗ್ರಾಮಗಳಿಗೆ ಇಂದಿಗೂ ಸಹ ಬಸ್ ಸಂಚಾರ ಇಲ್ಲ. ಮಳೆಗಾಲದಲ್ಲಂತೂ ವಾಹನ ಸಂಚಾರವೇ ಕಷ್ಟ. ಸರಿಯಾದ ರಸ್ತೆ ಸಂಪರ್ಕವೇ ಇಲ್ಲದ ಅನೇಕ ಗ್ರಾಮಗಳಿವೆ. ಇಂತಹ ಸ್ಥಿತಿಯಲ್ಲಿ ವಾಗೇಲಿ ಊರಿಗೆ ಪ್ರಥಮವಾಗಿ ಈ ದಿನ ಬಸ್ ಸಂಚಾರ ಆರಂಭವಾಗಿರುವುದಕ್ಕೆ ಸ್ಥಳಿಯರು ಸಂತಸ ವ್ಯಕ್ತಪಡಿಸಿದ್ದಾರೆ. ಪ್ರತಿದಿನ ಸಂಜೆ ಜೊಯಿಡಾದಿಂದ ವಾಗೇಲಿಗೆ ಬಸ್ ಹೋಗಿ ಮರುದಿನ ಬೇಳಿಗ್ಗೆ ಜೋಯಿಡಾಕ್ಕೆ ಮರಳಿ ಬರಲಿದೆ.
