ಅಂಕೋಲಾ: ತಾಲೂಕಿನ ಗಡಿ ಪ್ರದೇಶವಾದ ಹಳವಳ್ಳಿಯಲ್ಲಿ ಮಾರ್ಚ್ 2 ರಂದು ಹಳವಳ್ಳಿ ಆಲೆಮನೆ ಹಬ್ಬ ನಡೆಯಲಿದೆ.
ನಶಿಸುತ್ತಿರುವ ಆಲೆಮನೆಗಳ ಪರಿಚಯ ಮುಂದಿನ ತಲೆಮಾರಿನವರಿಗೆ ಪರಿಚಯಿಸುವ ಉದ್ದೇಶ ಹಾಗೂ ಎಲ್ಲರೂ ಒಂದೆಡೆ ಸೇರಿ ಸಮಯವನ್ನು ಸದ್ವಿನಿಯೋಗ್ಯ ಮಾಡುವ ಸದೋದ್ದೇಶದಿಂದ ಸಮಾನ ಮನಸ್ಕ ಯುವಕರೆಲ್ಲಾ ಸೇರಿ ಆಲೆಮನೆ ಹಬ್ಬವನ್ನು ಆಯೋಜಿದ್ದಾರೆ.
ಕುಡಿಯಲು ಹಾಲು, ತಿನ್ನಲು ಮಿರ್ಚಿ ಹಾಗೂ ಮಂಡಕ್ಕಿ ಉಚಿವಾಗಿರುತ್ತದೆ. ಮನೆಗೆ ತೆಗದುಕೊಂಡು ಹೋಗಲು ಕಬ್ಬಿನ ಹಾಲು ಕೈಗಟಕುವ ದರದಲ್ಲಿ ಸಿಗುವುದು,ಊರಿನವರಿಂದ ಧಮಾಮಿ ನೃತ್ಯ ಕೂಡಾ ಆಕರ್ಷಣೆಯ ಕೇಂದ್ರಬಿಂದುವಾಗಿದೆ.
ಶ್ರೀ ಸಿದ್ಧಿವಿನಾಯಕ ಹವ್ಯಕ ಟ್ರಸ್ಟ್, ಕಿರಣ ಯುವಕ ಮಂಡಲ,ಆಶಾ ಯುವತಿ ಮಂಡಲ ,ಸಮಸ್ತ ಊರನಾಗರಿಕರ ಆಶ್ರಯದಲ್ಲಿ ಸಂಜೆ 6 ಗಂಟೆಯಿಂದ 10ಗಂಟೆವರೆಗೆ ನಡೆಯಲಿದೆ ಎಂದು ಸಂಘಟನೆಯ ಪ್ರಮುಖರಾದ ನಾರಾಯಣ ಹೆಬ್ಬಾರ್ ಹಾಗೂ ವಿಶ್ವನಾಥ ಹೆಬ್ಬಾರ್ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.
