ಸಿದ್ದಾಪುರ : ರಾಮಾಂಜನೇಯ ಕಲಾ ಬಳಗ ಬೇಡ್ಕಣಿ ಹಾಗೂ ಅಭಿಮಾನಿಗಳಿಂದ ಇತ್ತೀಚೆಗೆ ನಿಧನರಾದ ಖ್ಯಾತ ಯಕ್ಷಗಾನ ಭಾಗವತ ರಾಮಚಂದ್ರ ನಾಯ್ಕ ಹೆಮ್ಮನಬೈಲ ಇವರಿಗೆ ಶ್ರದ್ಧಾಂಜಲಿ ಕಾರ್ಯಕ್ರಮ ಹಿರಿಯ ಪ್ರಾಥಮಿಕ ಶಾಲೆ ಡೊಂಬೆಕೈಯಲ್ಲಿ ನಡೆಯಿತು. ಶ್ರದ್ಧಾಂಜಲಿ ಸಲ್ಲಿಸಿ ಪ್ರಾಂಶುಪಾಲ ಎಂ ಕೆ ನಾಯ್ಕ ಹೊಸಳ್ಳಿ ಮಾತನಾಡಿ ಓರ್ವ ಕಲಾವಿದನಾಗಿ ಸಮಾಜಕ್ಕೆ ಒಳ್ಳೆಯ ಕೊಡುಗೆ ನೀಡಿ ಸಮಾಜ ಗುರುತಿಸಿ ಗೌರವಿಸುವ ಸಮಯದಲ್ಲಿ ರಾಮಚಂದ್ರ ನಾಯ್ಕ ರ ಅಕಾಲಿಕ ನಿಧನ ಕಲಾ ಪ್ರಪಂಚಕ್ಕೆ ತುಂಬಲಾರದ ನಷ್ಟ ಉಂಟಾಗಿದೆ ಎಂದರು. ಕಾರ್ಯಕ್ರಮದಲ್ಲಿ ರಾಮಕೃಷ್ಣ ನಾಯ್ಕ ಕಲಕೈ, ಗ್ರಾಂ. ಪಂ .ಸದಸ್ಯ ಗೋವಿಂದ ನಾಯ್ಕ, ಉಪನ್ಯಾಸಕ ಪ್ರಶಾಂತ್ ಹೆಗಡೆ, ಹೊಸಳ್ಳಿ ಶ್ರೀ ರಾಮ ದೇವಾಲಯದ ಅಧ್ಯಕ್ಷ ಗಣಪತಿ ನಾಯ್ಕ, ಚಂದ್ರಶೇಖರ ಕುಂಬ್ರಿಗದ್ದೆ, ಲಕ್ಷ್ಮಣ ಬೇಡ್ಕಣಿ ರಾಮಚಂದ್ರ ನಾಯ್ಕ ಜೊತೆಗಿನ ಒಡನಾಟ, ಕಲಾ ಪ್ರೌಢಿಮೆಯನ್ನು ಸ್ಮರಿಸಿದರು. ಕಾರ್ಯಕ್ರಮದಲ್ಲಿ ರಾಮಚಂದ್ರ ನಾಯ್ಕರ ಅಪಾರ ಅಭಿಮಾನಿಗಳು ಭಾಗವಹಿಸಿ ಶ್ರದ್ಧಾಂಜಲಿ ಸಲ್ಲಿಸಿದರು.
