ನವದೆಹಲಿ: ಪಾಕಿಸ್ತಾನವನ್ನು ಭಯೋತ್ಪಾದನೆಯ ಕೇಂದ್ರ ಬಿಂದುವಾಗಿ ವಿಶ್ವ ನೋಡುತ್ತಿದೆ ಎಂದು ವಿದೇಶಾಂಗ ಸಚಿವ ಜೈಶಂಕರ್ ಹೇಳಿದ್ದಾರೆ. ಅವರು ಯುಎನ್ ಸೆಕ್ಯೂರಿಟಿ ಕೌನ್ಸಿಲ್ ಅಧ್ಯಕ್ಷತೆ ವಹಿಸಿ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದರು.
ಸಮಕಾಲೀನ ಭಯೋತ್ಪಾದನೆ ಕೇಂದ್ರ ಬಿಂದುವಾದ ಪಾಕಿಸ್ತಾನ ಇನ್ನೂ ಸಕ್ರಿಯವಾಗಿದೆ. ಮನೆಯ ಹಿತ್ತಲಿನ ಹಾವುಗಳು ನೆರೆಹೊರೆಯವರನ್ನು ಮಾತ್ರ ಕಚ್ಚಲ್ಲ. ಬೇರೆಯವರನ್ನೂ ಕಚ್ಚುತ್ತವೆ ಅಂತಾ ದಶಕದ ಹಿಂದೆ ಅಮೆರಿಕದ ಹಿಲರಿ ಕ್ಲಿಂಟನ್ ಹೇಳಿರುವ ಮಾತನ್ನು ಪಾಕ್ನ ವಿದೇಶಾಂಗ ರಾಜ್ಯ ಸಚಿವೆ ಹೀನಾ ರಬ್ಬಾನಿ ಖಾರ್ಗೆ ಜೈಶಂಕರ್ ನೆನಪಿಸಿದರು. ನಾವು ಮತ್ತೊಮ್ಮೆ ನ್ಯೂಯಾರ್ಕ್ ಮೇಲಿನ 9/11 ಮತ್ತು ಮುಂಬೈ ಮೇಲಿನ 26/11 ದಾಳಿಗೆ ಅವಕಾಶ ಕೊಡಲ್ಲ ಎಂದಿದ್ದಾರೆ.
ಈ ಸಂದರ್ಭದಲ್ಲಿ ಪಾಕ್ ಪತ್ರಕರ್ತ, ಎಲ್ಲಿಯವರೆಗೆ ದಕ್ಷಿಣ ಏಷ್ಯಾದಲ್ಲಿ ಭಾರತ, ಅಫ್ಘಾನಿಸ್ತಾನ, ಪಾಕಿಸ್ತಾನದಿಂದ ಭಯೋತ್ಪಾದನೆ ನೋಡುತ್ತಿರಬೇಕು? ಎಲ್ಲಿಯವರೆಗೆ ಈ ದೇಶಗಳು ಯುದ್ಧ ಮಾಡುತ್ತಿರುತ್ತವೆ? ಎಂದು ಜೈ ಶಂಕರ್ಗೆ ಪ್ರಶ್ನೆ ಕೇಳಿದರು.
ಜೈಶಂಕರ್ ಪ್ರತಿಕ್ರಿಯಿಸಿದ್ದು, ನೀವು ಈ ಪ್ರಶ್ನೆಗಳನ್ನ ನನಗೆ ಕೇಳಬಾರದು. ಪಾಕಿಸ್ತಾನ ಎಲ್ಲಿಯವರೆಗೆ ಭಯೋತ್ಪಾದನೆ ನಡೆಸಬೇಕು ಎಂದು ಬಯಸಿದೆ ಅನ್ನೋದು ಪಾಕಿಸ್ತಾನದ ಮಂತ್ರಿ ನಿಮಗೆ ಹೇಳುತ್ತಾರೆ. ಹೀಗಾಗಿ ನೀವು ನಿಮ್ಮ ಸಚಿವರನ್ನೇ ಕೇಳಬೇಕು ಎಂದು ಉತ್ತರಿಸಿದ್ದಾರೆ. ಅಲ್ಲದೇ, ಸಲಹೆ ಸ್ವೀಕರಿಸುವಷ್ಟು ಒಳ್ಳೆಯ ದೇಶ ಪಾಕ್ ಅಲ್ಲ. ಬೇರೆ ದೇಶಗಳ ವಿರುದ್ಧ ಅಫ್ಘಾನಿಸ್ತಾನದ ಭೂಮಿ ಬಳಕೆಯಾಗುತ್ತಿದೆ. ಇದು ಆಗಬಾರದು. ಸಾಕ್ಷ್ಯಾಧಾರದ ಪ್ರಸ್ತಾಪಗಳಿಗೆ ಯಾವುದೇ ಕಾರಣ ನೀಡದೇ ತಡೆಯೊಡ್ಡಲಾಗಿದೆ ಎಂದರು.
