ಅಪ್ರಾಪ್ತೆಯ ತಂದೆಯ ಪತ್ತೆಗೆ ಸಹಕರಿಸಲು ಮನವಿ

ಕಾರವಾರ: ನಗರದ ಸರಕಾರಿ ಬಾಲಕಿಯರ ಬಾಲಮಂದಿರದಲ್ಲಿರುವ ಅಪ್ರಾಪ್ತೆಯ ತಂದೆ ಪತ್ತೆಯಾಗದ ಕಾರಣ ಆತನನ್ನು ಪತ್ತೆ ಹಚ್ಚಲು ಸಹಕರಿಸುವಂತೆ ಜಿಲ್ಲಾ ಮಕ್ಕಳ ರಕ್ಷಣಾಧಿಕಾರಿಗಳು ಕೋರಿದ್ದಾರೆ.

ದಾಂಡೇಲಿ, ಹಳಿಯಾಳ ಗಾವಠಾಣಾದ ಲಾರಿ ಚಾಲಕನಾದ ಅಬ್ದುಲ್‌ಗಣಿ ಮಹಮ್ಮದ್ ಮಕಾಂದಾರ (46) ಈತನ 7 ವರ್ಷದ ಮಗಳಾದ ಬಾಲಕಿ ಬಿಬಿ ಫಾತಿಮಾ ಅಬ್ದುಲ್‌ಗಣಿ ಮಕಾಂದಾರ ಈಕೆಯು ಉತ್ತರಕನ್ನಡದ ಮಕ್ಕಳ ಕಲ್ಯಾಣ ಸಮಿತಿರವರ ಆದೇಶದ ಮೇರೆಗೆ ಕಾರವಾರದ ಸರಕಾರಿ ಬಾಲಕಿಯರ ಬಾಲಮಂದಿರದಲ್ಲಿದ್ದಾಳೆ. ಈಕೆಯ ತಾಯಿ ಮದಿನಾ ಅಬ್ದುಲ್‌ಗಣಿ ಮಕಾಂದಾರ ಈಗಾಲೇ ಮೃತಪಟ್ಟಿರುತ್ತಾಳೆ. ಇವರೆಗೂ ಮಕ್ಕಳ ಪಾಲಕರಾಗಲಿ, ಸಂಬಂಧಿಕರಾಗಲಿ ಮಗುವನ್ನು ನೋಡಲು ಬಂದಿರುವುದಿಲ್ಲ.

ಇತ್ತೀಚೆಗೆ ಬಾಲಕಿಯ ತಂದೆಯ ವಿಳಾಸವು ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಗಾಲೆಗಳ್ಳಿ ಎಂದು ತಿಳಿದು ಬಂದಿದ್ದು, ಆದರೆ ಸದ್ಯದ ಮಟ್ಟಿಗೆ ಆ ವಿಳಾಸದಲ್ಲಿಯೂ ವ್ಯಕ್ತಿ ಕಂಡು ಬಂದಿದಿಲ್ಲ. ಹಾಗಾಗಿ ಈ ವ್ಯಕ್ತಿ ಕಂಡು ಬಂದಲ್ಲಿ 08382-226501 ಸಂಖ್ಯೆಗೆ ಕರೆ ಮಾಡಿ ಮಾಹಿತಿ ನೀಡಬಹುದಾಗಿದೆ.

ಇನ್ನು ಅಬ್ದುಲ್‌ಗಣಿ ಮಹಮ್ಮದ್ ಮಕಾಂದಾರ ಈತನು ವಿಷಯ ತಿಳಿದ ತಕ್ಷಣ ಮಕ್ಕಳ ಕಲ್ಯಾಣ ಸಮಿತಿ ಕಾರವಾರಕ್ಕೆ ಹಾಜರಾಗುವಂತೆ ಜಿಲ್ಲಾ ಮಕ್ಕಳ ರಕ್ಷಣಾಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದೆ.

Related posts:

ವಿಜ್ಞಾನ ರಸಪ್ರಶ್ನೆ ಸ್ಪರ್ಧೆಯ ವಿಜೇತರಿಗೆ ಬಹುಮಾನ ವಿತರಣೆ ‘ಮೊಟ್ಟೆ’ ಎಸೆದವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಕಾಂಗ್ರೆಸ್ ಕಾರ್ಯಕರ್ತರಿಂದ ಮನವಿ ಪರೇಶ್ ಮೇಸ್ತಾ ಹತ್ಯೆಯ ಎ 1 ಆರೋಪಿಗೆ ಜಿಲ್ಲಾ ವಕ್ಫ್ ಮಂಡಳಿ ಉಪಾಧ್ಯಕ್ಷ ಸ್ಥಾನ ನೀಡಿದ್ದ ಬಿಜೆಪಿ ಸರ್ಕಾರ: ಜನರ ವಿರೋಧಕ್ಕೆ ಆದೇಶ ಹಿಂಪಡೆದ ಸರ್ಕಾರ ರಾಜ್ಯದಲ್ಲಿ ನಾಯಕತ್ವ ಬದಲಾವಣೆಯ ಪ್ರಶ್ನೆಯೇ ಇಲ್ಲಾ: ಕೋಟ ಶ್ರೀನಿವಾಸ ಪೂಜಾರಿ