ಕಾರವಾರ: ಚಿಂದಿ ಆರಿಸಲು ಬಂದ ಸುಮಾರು 40-45 ವರ್ಷ ವಯಸ್ಸಿನ ಅಪರಿಚಿತ ವ್ಯಕ್ತಿಯೋರ್ವನ ಶವವು ಕುಮಟಾ ತಾಲೂಕಿನ ಹಂದಿಗೋಣದ ಬಸ್‌ನಿಲ್ದಾಣದಲ್ಲಿ ಪತ್ತೆಯಾಗಿದೆ. ಮೃತನ ಗುರುತು ಪತ್ತೆಗೆ ಸಹಕರಿಸಲು ಪೊಲೀಸರು ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ.
ಕೆಲವು ದಿನಗಳ ಹಿಂದೆ ಚಿಂದಿ ಆರಿಸಲು ಕುಮಟಾಗೆ ಬಂದಿದ್ದ ಅಪರಿಚಿತ ವ್ಯಕ್ತಿಯು ಹಂದಿಗೋಣದ ಬಸ್ ನಿಲ್ದಾಣದಲ್ಲಿ ಮಲಗಿರುವ ಸಂದರ್ಭದಲ್ಲಿ ಯಾವುದೋ ಕಾಯಿಲೆಯಿಂದ ಅಥವಾ ಹೃದಯಾಘಾತದಿಂದಾಗಿ ಮೃತಪಟ್ಟಿರುವ ಬಗ್ಗೆ ಆಗಸ್ಟ್ 16 ರಂದು ಸ್ಥಳೀಯ ನಿವಾಸಿಯೋರ್ವರು ಕುಮಟಾ ಪೊಲೀಸ್ ಠಾಣೆಗೆ ದೂರು ನೀಡಿದ್ದರು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಶವವನ್ನು ಆಸ್ಪತ್ರೆಗೆ ಸಾಗಿಸಿ ಮರಣೋತ್ತರ ಪರೀಕ್ಷೆಯನ್ನು ನಡೆಸಲಾಗಿದ್ದು, ಈತನ ಗುರುತು ಪತ್ತೆಗೆ ತನಿಖೆ ಕೈಗೊಂಡಿದ್ದಾರೆ. ಮೃತವ್ಯಕ್ತಿಯು ಸಾಧರಣ ಮೈಕಟ್ಟು, ಉದ್ದನೆಯ ಮುಖ, ಬಡಕಲು ದೇಹ ಹೊಂದಿದ್ದು. ಕಪ್ಪು ಮೈ ಬಣ್ಣ, ಕಪ್ಪು ಕೂದಲು, ಕಪ್ಪು ಮತ್ತು ಬಿಳಿಮಿಶ್ರಿತ ಗಡ್ಡಬಿಟ್ಟಿದ್ದು 5.5 ಅಡಿ ಎತ್ತರ ಹಾಗೂ ಕಪ್ಪುಬಣ್ಣದ ಚಡ್ಡಿ ಧರಿಸಿರುತ್ತಾನೆ. ಎಡಗೈಯಲ್ಲಿ ಕೆಂಪು ಬಣ್ಣದ ಕಾಶೀದಾರ ಇದೆ. ಈತನ ಬಗ್ಗೆ ಯಾರಿಗಾದರೂ ಮಾಹಿತಿ ಇದ್ದರೆ ಕುಮಟಾ ಪೊಲೀಸ್ ಠಾಣೆ (ದೂ.ಸಂ. 08386-222333, ಮೊ.ಸಂಖ್ಯೆ: 9480805272 ಅಥವಾ ಇ-ಮೇಲ್: kumtakwr@ksp.gov.in ಗೆ ಸಂಪರ್ಕಿಸುವಂತೆ ಪೊಲೀಸ್ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ
