ಹೊನ್ನಾವರ: ಶಿವಮೊಗ್ಗ ಜಿಲ್ಲೆಯ ನೆಹರು ಒಳಾಂಗಣದಲ್ಲಿ ನಡೆದ 21 ನೇ ರಾಜ್ಯಮಟ್ಟದ ವುಶು ಚಾಂಪಿಯನ್ ಶಿಪ್‌ನಲ್ಲಿ ರಾಯಲ್ ಅಕಾಡೆಮಿಯ ವಿದ್ಯಾರ್ಥಿನಿ ಕು. ಧನ್ವಿ ಕುಮಾರ ನಾಯ್ಕ ವುಶು ಕ್ರೀಡೆಯ ಶಾನ್ಸು (ಫೈಟ್ ) ನಲ್ಲಿ ಸಬ್ ಜೂನಿಯರ್ 24 ಕೆಜಿ ಒಳಗಿನ ವಿಭಾಗದಲ್ಲಿ ಪ್ರಥಮ ಸ್ಥಾನ ಪಡೆದು ಕೀರ್ತಿ ತಂದಿದ್ದಾಳೆ.
ಧನ್ವಿ ಕುಮಾರ ನಾಯ್ಕ ಪಟ್ಟಣದ ಮಾರ್ಥೋಮಾ ಆಂಗ್ಲಮಾಧ್ಯಮ ಶಾಲೆಯ 5ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿದ್ದಾಳೆ. ಇವಳು ಕೋಡ್ಕಣಿಯ ಕುಮಾರ ರಾಮ ನಾಯ್ಕ ಮತ್ತು ಸುವರ್ಣ ನಾಯ್ಕ ದಂಪತಿಯ ಪುತ್ರಿಯಾಗಿದ್ದಾಳೆ.
ಉತ್ತರ ಕನ್ನಡ ಜಿಲ್ಲಾ ವುಶು ಅಸೋಸಿಯೇಶನ್‌ನ ಹೊನ್ನಾವರದ ಶಾರದಾಂಬಾ ಕಲ್ಯಾಣ ಮಂಟಪದ ಅಕಾಡೆಮಿಯಲ್ಲಿ ರಾಘವೇಂದ್ರ ಆರ್ ಬಳಿ ತರಬೇತಯನ್ನು ಪಡೆದಿದ್ದಾಳೆ. ಇವಳ ಸಾಧನೆಗೆ ಶಿಕ್ಷಕರು, ಊರ ನಾಗರಿಕರು, ಪಾಲಕರು, ಕುಟುಂಬದವರು ಮತ್ತು ಜಿಲ್ಲೆಯ ವುಶು ಅಸೋಸಿಯೇಶನ್‌ನ ಜನರಲ್ ಸೆಕ್ರೇಟರಿ, ರಾಜ್ಯ ತರಬೇತುದಾರ ಮತ್ತು ತೀರ್ಪುಗಾರ ರಾಘವೇಂದ್ರ. ಆರ್ ಮತ್ತು ವಿದ್ಯಾ ಅನಂತ ಭಂಡಾರಿ ಹರ್ಷ ವ್ಯಕ್ತಪಡಿಸಿದ್ದಾರೆ.
