ಶಿರಸಿ: ಹರ್ ಘರ್ ತಿರಂಗಾ ಅಭಿಯಾನದ ಭಾಗವಾಗಿ ಊರಿನಲ್ಲಿ ತಾಯಿ ಧ್ವಜ ವಂದನೆ ಮಾಡಿದರೆ, ಸ್ಪೀಕರ್ ವಿಶ್ವೇಶ್ವರ ಹೆಗಡೆ ಬೆಂಗಳೂರಿನ ಮನೆ ಹಾಗೂ ವಿಧಾನ ಸೌಧದಲ್ಲಿ ಧ್ವಜ ವಂದನೆ ಮಾಡಿದರು.
ಸ್ವಗೃಹ ಕಾಗೇರಿಯಲ್ಲಿ ಮನೆ ಮಂದಿಯೆಲ್ಲ ಸೇರಿ ಧ್ವಜಾರೋಹಣ ನಡೆಸಿ ಧ್ವಜ ವಂದನೆ ನಡೆಸಿ ಹರ್ ಘರ್ ತಿರಂಗಾ ಸಂಭ್ರಮದಲ್ಲಿ ಭಾಗಿಯಾದರು. ಕಾಗೇರಿ ತಾಯಿ 83 ವರ್ಷದ ಸರ್ವೇಶ್ವರಿ ಅನಂತ ಹೆಗಡೆ ಅವರು ಧ್ವಜ ವಂದನೆ ಸಲ್ಲಿಸಿ ರಾಷ್ಟ್ರಗೀತೆ ಹಾಡಿದರು. ಹಿರಿಯ ಸಹೋದರ ಶಿವರಾಮ ಹೆಗಡೆ ಕಾಗೇರಿ, ವಕೀಲ ಗಣಪತಿ ಹೆಗಡೆ, ಪ್ರಗತಿಪರ ರೈತ ಪರಮೇಶ್ವರ ಹೆಗಡೆ, ಪತ್ನಿ ಭಾರತಿ ಹೆಗಡೆ ಸೇರಿದಂತೆ ಇತರರು ಧ್ವಜವಂದನೆ ಸಲ್ಲಿಸಿದರು.
