ಸಿದ್ದಾಪುರ: ತಾಲೂಕಿನಲ್ಲಿ ವರುಣನ ಆರ್ಭಟ ಮುಂದುವರೆದಿದ್ದು, ವಿವಿಧೆಡೆ ಮನೆಯ ಗೋಡೆ ಕುಸಿದರೆ, ಕೆಲವೆಡೆ ಮರ ಬಿದ್ದು ಹಾನಿಯಾಗಿದೆ.
ತಾಲೂಕಿನ ಕಡಕೇರಿಯ ಗೌರಿ ಕೆರಿಯಾ ನಾಯ್ಕ ಎಂಬುವರ ಮನೆ ಗೋಡೆ ಕುಸಿದು 35 ಸಾವಿರ ನಷ್ಟವಾಗಿದೆ. ಚಂದ್ರಘಟಗಿ ವಡದಾರಿಯ ಗೋವಿಂದ ಗಣಪ ನಾಯ್ಕ ಇವರ ಮನೆಯ ಗೋಡೆ ಕುಸಿದು 33 ಸಾವಿರ ನಷ್ಟ ಸಂಭವಿಸಿದೆ. ಇನ್ನು ಹಿತ್ಲತೋಟದ ಮೈರುನ್ನಿಸ್ಸಾ ಸಾಬ್ ಎಂಬುವರ ಮನೆಯ ಮೇಲ್ಚಾವಣಿ ಮೇಲೆ ಮರ ಬಿದ್ದು 25 ಸಾವಿರ ನಷ್ಟವಾಗಿದೆ ಎಂದು ವರದಿಯಾಗಿದೆ.
