ಸಿದ್ದಾಪುರದಲ್ಲಿ, ಜಿ.ಪಂಚಾಯತ್‌ ಸಿಇಒ ಈಶ್ವರ್‌ ಕಾಂದೂ ಸ್ವತಃ ಕಸ ಸಂಗ್ರಹಣೆಯ ವಾಹನ ಓಡಿಸಿದರು. ಜೊತೆಗೆ ಕೆನರಾ ಆರ್ಸೆಟಿಯ ಮೂಲಕ ತರಬೇತಿ ಪಡೆದ ಮಹಿಳಾ ಸ್ವ ಸಹಾಯ ಸಂಘದ ಚಾಲಕಿಯ ಚಾಲನಾ ಕೌಶಲ್ಯ ಪರಿಶೀಲಿಸುವ ಮೂಲಕ ಚಾಲನಾ ಕೌಶಲ್ಯದ ಕುರಿತು ಮಾಹಿತಿ ನೀಡಿದ್ರು.
ತಾಲ್ಲೂಕಿನ ವಿವಿಧ ಗ್ರಾಮ ಪಂಚಾಯತಿಗಳಿಗೆ ಭೇಟಿನೀಡಿದ ಸಂದರ್ಭದಲ್ಲಿ, ಕಾನಗೋಡ ಗ್ರಾಪಂಗೆ ತೆರಳಿದ ಜಿಪಂ ಸಿಇಒ, ಸ್ವತಃ ವಾಹನ ಚಾಲನೆ ಮಾಡುವ ಮೂಲಕ ಚಾಲಕರಾದವರು ವಾಹನ ಚಾಲನೆ ಸಂದರ್ಭದಲ್ಲಿ ತೆಗೆದುಕೊಳ್ಳಬಹುದಾದ ಮುಂಜಾಗ್ರತಾ ಕ್ರಮಗಳು, ವಾಹನ ಸ್ಟಾರ್ಟ್, ಗೇರ್‌ಗಳ ಬದಲಾವಣೆ, ವಾಹನ ನಿಯಂತ್ರಣ, ಬ್ರೇಕ್ ಹಾಕುವ ವಿಧಾನ ಸೇರಿದಂತೆ ವಿವಿಧ ಚಾಲನಾ ಕೌಶಲ್ಯಗಳ ಕುರಿತು ತಿಳಿಸಿಕೊಟ್ಟರು. ಜೊತೆಗೆ ತರಬೇತಿ ಪಡೆದ ಸ್ವಸಹಾಯ ಸಂಘದ ಮಹಿಳಾ ಚಾಲಕಿಯಿಂದ ವಾಹನ ಚಾಲನೆ ಮಾಡಿಸಿ ಪರಿಶೀಲಿಸಿ ಉತ್ತಮವಾಗಿ ವಾಹನ ಚಲಾಯಿಸುವಂತೆ ಪ್ರೇರೆಪಿಸಿದ್ರು.
ಈ ಸಂದರ್ಭದಲ್ಲಿ ತಾಪಂ ಇಒ ದೇವರಾಜ್ ಹಿತ್ತಲಕೊಪ್ಪ, ನರೇಗಾ ಎ.ಡಿ ವಿದ್ಯಾ ದೇಸಾಯಿ, ಗ್ರಾಪಂ ಅಧ್ಯಕ್ಷರು, ಸದಸ್ಯರು, ಪಿಡಿಒ, ಸಿಬ್ಬಂದಿ ಸೇರಿದಂತೆ ಗ್ರಾಮಸ್ಥರು ಉಪಸ್ಥಿತರಿದ್ದರು.
Related posts:
ಸಿದ್ದಾಪುರಕ್ಕೆ ಆಗಮಿಸಿದ ಖ್ಯಾತ ನಟ ಹಾಗೂ ಪರಿಸರವಾದಿ ಸುರೇಶ್‌ ಹೆಬ್ಳಿಕರ್.
ಸಿದ್ದಾಪುರದ ಹುಕ್ಕಳಿ ಗ್ರಾಮದಲ್ಲಿ ಹಿರಿಯ ಹೋರಾಟಗಾರರಿಂದ ಅರಣ್ಯ ಸಿಬ್ಬಂದಿಗಳ ದೌರ್ಜನ್ಯಕ್ಕೆ ಖಂಡನೆ.
ಸಿಗಂದೂರು ಶ್ರೀ ಚೌಡೇಶ್ವರಿ ಕ್ಷೇತ್ರಕ್ಕೆ ಭೇಟಿ ನೀಡಿದ ಶಿರಸಿ ಸಿದ್ದಾಪುರ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ್
ಸಿದ್ದಾಪುರ:- ಭುವನಗಿರಿಯ ಭುವನೇಶ್ವರಿ ದೇವಾಲಯದಲ್ಲಿ ಶರನ್ನವರಾತ್ರಿಯ ಪ್ರಯುಕ್ತ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮ