ಹೊನ್ನಾವರ ಪಟ್ಟಣದಲ್ಲಿ ಸಾರ್ವಜನಿಕ ಗಣೇಶೋತ್ಸವ ಮೂರ್ತಿ ವಿಸರ್ಜನೆಗೆ ಹೋಗುವ ವೇಳೆ, ಮಾನವ ಪಿರಾಮಿಡ್ ಮೂಲಕ ಮಡಿಕೆ ಒಡೆಯುವಾಗ ಮೇಲಿಂದ ಬಿದ್ದು ವ್ಯಕ್ತಿಯೊರ್ವ ಗಂಭೀರ ಗಾಯಗೊಂಡ ಘಟನೆ ಸೋಮವಾರ ಸಾಯಂಕಾಲದ ವೇಳೆಗೆ ಸಂಭವಿಸಿದೆ.ವ್ಯಕ್ತಿ ಮೇಲಿಂದ ಆಯತಪ್ಪಿ ಬೀಳುತ್ತಿರುವ ದ್ರಶ್ಯ ಇದೀಗ ಎಲ್ಲೆಡೆ ವೈರಲ್ ಆಗುತ್ತಿದ್ದು,ಜನತೆ ಘಟನೆ ದ್ರಶ್ಯ ನೋಡಿ ಬೆಚ್ಚಿಬಿದ್ದಿದ್ದಾರೆ.
ಸಾರ್ವಜನಿಕ ಗಣೇ ಶೋತ್ಸವ ಸಮಿತಿ ಹೈವೇ ಸರ್ಕಲ್ ರವರ ಗಣೇಶ ಮೂರ್ತಿ ವಿಸರ್ಜನೆಗೆ ಹೋಗುವ ವೇಳೆ ಘಟನೆ ನಡೆದಿದೆ. ಪಟ್ಟಣದ ಮಾರ್ಕೆಟ್ ರಸ್ತೆ ತುಳಸಿ ಮೆಡಿಕಲ್ ಎದುರು ಮಾನವ ಪಿರಾಮಿಡ್ ಮೂಲಕ ಮಡಿಕೆ ಒಡೆಯುವಾಗ ಕೆಳಗಿನಪಾಳ್ಯದ ಪಾಂಡುರಂಗ ಶಂಕರ ಮೇಸ್ತಾ ಎಂಬುವನು ಆಕಸ್ಮಿಕವಾಗಿ ಮೇಲಿಂದ ಡಾಂಬರ್ ರಸ್ತೆ ಮೇಲೆ ಬಿದ್ದ ಪರಿಣಾಮ ತಲೆಹಾಗೂ ಬಲಗೈಗೆ ತೀವ್ರವಾಗಿ ಗಾಯಗೊಂಡಿದ್ದಾನೆ. ಕೂಡಲೇ ಸಮಿತಿಯವರು ಹಾಗೂ ರಿಕ್ಷಾ ಚಾಲಕರು ಅಟೋ ಮೂಲಕ ತಾಲೂಕ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ನೀಡಿ ಅಂಬುಲೆನ್ಸ ಮೂಲಕ ನೆರೆ ಜಿಲ್ಲೆಗೆ ಕಳುಹಿಸಿದ್ದಾರೆ. ನಂತರ ಗಣೇಶ ವಿಸರ್ಜನೆ ಕಾರ್ಯ ಮುಂದುವರೆಸಿದ್ದಾರೆ.
