ಅಂಕೋಲಾ: ತಾಲ್ಲೂಕು ಮಟ್ಟದ ಪ್ರೌಢಶಾಲಾ ವಿಭಾಗದ ಕ್ರೀಡಾಕೂಟದಲ್ಲಿ ಇಲ್ಲಿನ ಶೆಟಗೇರಿಯ ಸತ್ಯಾಗ್ರಹ ಸ್ಮಾರಕ ವಿದ್ಯಾಲಯದ ವಿದ್ಯಾರ್ಥಿಗಳು ಉತ್ತಮ ಸಾಧನೆ ಮಾಡಿದ್ದಾರೆ.
ಶಾಲೆಯ ವಿದ್ಯಾರ್ಥಿನಿ ಅಸ್ಮಿತಾ ನೀಲಕಂಠ ಗುನಗಾ 100ಮೀಟರ್ ಓಟದಲ್ಲಿ ಪ್ರಥಮ, 200 ಮೀಟರ್ ಓಟದಲ್ಲಿ ಪ್ರಥಮ ಹಾಗೂ ಉದ್ದ ಜಿಗಿತ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಪಡೆದು ವೈಯಕ್ತಿಕ ವೀರಾಗ್ರಣಿ ತನ್ನದಾಗಿಕೊಂಡಿದ್ದಾಳೆ.
ಅಭಿಷೇಕ ಬಿ. ಗೌಡ ಇವನು 400 ಮೀಟರ್ ಓಟದಲ್ಲಿ ದ್ವಿತೀಯ, 800 ಮೀಟರ್ ಓಟದಲ್ಲಿ ತೃತೀಯ, ಕಿರಣ ಸುರೇಶ ಗೌಡ 100ಮೀಟರ್ ಓಟದಲ್ಲಿ ದ್ವಿತೀಯ, 400ಮೀಟರ್ ಓಟದಲ್ಲಿ ತೃತೀಯ, ದಿವಾಕರ ಬಾನು ಗೌಡ 200ಮೀ ಓಟ ದ್ವಿತೀಯ, ಲಕ್ಷ್ಮೀ ರಮೇಶ ಗೌಡ 200ಮೀಟರ್ ಓಟದಲ್ಲಿ ತೃತೀಯ ಹಾಗೂ ಬಾಲಕಿಯರ 4×100 ಮೀ ರೀಲೇಯಲ್ಲಿ ದ್ವಿತೀಯ ಸ್ಥಾನ ಪಡೆದು ಜಿಲ್ಲಾ ಮಟ್ಟದ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿರುತ್ತಾರೆ. ವಿದ್ಯಾರ್ಥಿಗಳ ಸಾಧನೆಗೆ ಆಡಳಿತ ಮಂಡಳಿಯ ಅಧ್ಯಕ್ಷರಾದ ರಮಾನಂದ ಬಿ ನಾಯಕ, ಗೌರವಾಧ್ಯಕ್ಷರಾದ ಶಾಂತಾರಾಮ ಎನ್. ನಾಯಕ, ಕಾರ್ಯದರ್ಶಿ ಜಯರಾಮ ಆರ್ ನಾಯಕ, ಆಡಳಿತ ಮಂಡಳಿಯ ಸದಸ್ಯರು ಹಾಗೂ ದೈಹಿಕ ಶಿಕ್ಷಕರಾದ ಭಾರ್ಗವ ನಾಯಕ, ಶಾಲೆಯ ಶಿಕ್ಷಕರು ಅಭಿನಂಧನೆ ಸಲ್ಲಿಸಿದ್ದಾರೆ
