ಸಿದ್ದಾಪುರ : ಕಲೆ ಎನ್ನುವುದು ಯಾರೊಬ್ಬರ ಸ್ವತ್ತಲ್ಲ ಸಾಧಿಸಲು ಹೊರಟವನು ಸತತ ಪರಿಶ್ರಮದಿಂದ ಸಾಗುತ್ತಿದ್ದರೆ ಸಾಧನೆ ಎನ್ನುವ ಶಿಖರವನ್ನ ಏರುವುದು ಸುಲಭ ಇದಕ್ಕೆ ಉದಾಹರಣೆ ಎನ್ನುವಂತೆ ತಾಲೂಕಿನ ಹಲಗೇರಿ ಸಮೀಪದ ನಿಪ್ಲಿಯ ಸಂಜಯ ಎನ್ನುವ ಪದವಿ ಶಿಕ್ಷಣ ಓದುತ್ತಿರುವ ವಿದ್ಯಾರ್ಥಿ ತನ್ನ ಕಲೆಯ ಮೂಲಕ ಸುತ್ತಮುತ್ತಲಿನ ಎಲ್ಲರ ಗಮನವನ್ನು ಸೆಳೆದಿದ್ದಾನೆ.
ಶಾಲೆಯಲ್ಲಿ ಶಿಕ್ಷಕರಿಂದ ಮಾಹಿತಿಯನ್ನು ಪಡೆದು ಅಲ್ಪಸ್ವಲ್ಪ ತರಬೇತಿಯನ್ನು ಪಡೆದ ಈತನು ತನ್ನ ಬಿಡುವಿನ ಅವಧಿಯಲ್ಲಿ ತನಗೆ ಇಷ್ಟವಾದ ನಾಯಕರು ನಟರು ಹೂವು ಪ್ರಾಣಿ ಪಕ್ಷಿ ಹಾಗೂ ಹಸೆ ಚಿತ್ತಾರವನ್ನು ಬರೆದು ಸುತ್ತಮುತ್ತಲ ಹಳ್ಳಿಯಲ್ಲಿ ಪ್ರಸಿದ್ದಿ ಪಡೆದಿದ್ದಾನೆ.
ಹೆಚ್ಚಿನ ತರಬೇತಿಯನ್ನು ಪಡೆಯದಿದ್ದರೂ ಸಹ ಸತತ ಪರಿಶ್ರಮದಿಂದಾಗಿ ಈತನ ಈ ಸಾಧನೆಯು ಹೊರ ಹೊಮ್ಮಿದೆ ಇದನ್ನ ಗಮನಿಸಿದ ಸ್ಥಳೀಯರಿಂದ ಮದುವೆ ಹಾಗೂ ಇನ್ನಿತರ ಶುಭ ಸಮಾರಂಭಗಳಿಗೆ ಹಸಿ ಚಿತ್ತಾರ ತೋರಣ ಬಿಡಿಸಲು ಬೇಡಿಕೆ ಬರುತ್ತಿವೆ,
ಇಂತಹ ಗ್ರಾಮೀಣ ಪ್ರತಿಭೆಗಳಿಗೆ ಸಹಕಾರ ಮತ್ತು ಪ್ರೋತ್ಸಾಹಗಳು ದೊರೆತರೆ ಇನ್ನಷ್ಟು ಸಾಧನೆಯನ್ನ ಮಾಡಬಹುದು ಎನ್ನುವಂತಹ ಮಾತುಗಳು ಆತನ ಬಗೆಗೆ ಕೇಳಿ ಬರುತ್ತಿವೆ.
