ಯಲ್ಲಾಪುರ: ಪಟ್ಟಣದ ಯಲ್ಲಾಪುರ ರಸ್ತೆಯ ಅಮ್ಮಾಜಿ ಕೆರೆಯ ಬಳಿ ಆಟೋ ಮತ್ತು ಕಾರ ನಡುವೆ ಡಿಕ್ಕಿ ಸಂಭವಿಸಿದ ಪರಿಣಾಮ ಆಟೋ ಚಾಲಕ ಮತ್ತು ಆಟೋದಲ್ಲಿದ್ದ ಕೆಲವು ಪ್ರಯಾಣಿಕರಿಗೆ ಗಾಯವಾದ ಘಟನೆ ನೆಡೆದಿದೆ.
ತಾಲೂಕಿನ ಇಂದೂರ ಗ್ರಾಮದ ಮೆಹಬೂಬ್‌ ಅಲಿ ಇಂಗಳಗಿ ಗಾಯಗೊಂಡ ಆಟೋ ಚಾಲಕ. ಟಿಬೇಟಿಯನ್‌ ಕಾಲನಿಯಿಂದ ಪಟ್ಟಣದ ಕಡೆಗೆ ಬರುತ್ತಿದ್ದ ಆಟೋ ಮತ್ತು ಪಟ್ಟಣದಿಂದ ಕಲಘಟಗಿ ಕಡೆ ಹೊರಟಿದ್ದ ಕಾರು ಓವರ್ಟೇಕ್‌ ಮಾಡಲು ಹೋಗಿ ಅಪಘಾತ ಸಂಭವಿಸದೆ. ಆಟೋ ಚಾಲಕ ಮೆಹಬೂಬಲಿಗೆ ಅಲ್ಲಿನ ತಾಲೂಕು ಆಸ್ಪತ್ರೆಗೆ ಸೇರಿಸಿ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗೆ ಹುಬ್ಬಳ್ಳಿಯ ಕಿಮ್ಸ್‌ ಆಸ್ಪತ್ರೆಗೆ ರವಾನಿಸಲಾಗಿದೆ. ಕಾರು ಚಾಲಕ ಕಲಘಟಗಿಯ ನಾಗೇಶ ಲಮಾಣಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ತಿಳಿದು ಬಂದಿದೆ.
