ಸಿದ್ದಾಪುರ: ಸಾಗರ-ಹೊನ್ನಾವರ ಮಾರ್ಗದ ಗೇರುಸೊಪ್ಪ ಸೂಳೆಮುರ್ಕಿ ಕ್ರಾಸ್ ಬಳಿ ಭಾರಿ ಪ್ರಮಾಣದಲ್ಲಿ ರಸ್ತೆ ಕುಸಿದಿದ್ದು ರಾಷ್ಟ್ರೀಯ ಹೆದ್ದಾರಿ 69 ರಲ್ಲಿ ವಾಹನ ಸಂಚಾರ ನಿಷೇಧಿಸಲಾಗಿದೆ.
ರಸ್ತೆ ಕುಸಿದಿರುವುದರಿಂದ ಸುರಕ್ಷತಾ ಕ್ರಮವಾಗಿ ರಾಷ್ಟ್ರೀಯ ಹೆದ್ದಾರಿ 69 ರಲ್ಲಿ ಹೊನ್ನಾವರ ತಾಲೂಕಿನ ಗೇರುಸೊಪ್ಪದಿಂದ ಸಿದ್ದಾಪುರ ತಾಲೂಕಿನ ಮಾವಿನಗುಂಡಿವರೆಗೆ ರಸ್ತೆ ಸಂಚಾರ ನಿಷೇಧಿಸಲಾಗಿದೆ.
ಹೊನ್ನಾವರದಿಂದ ಸಿದ್ದಾಪುರ ಕಡೆ ಹೋಗುವ ವಾಹನಗಳು ಕುಮಟಾ, ಸಂತೆಗುಳಿ ಮಾರ್ಗವಾಗಿ ಅಥವಾ ಕುಮಟಾ, ಶಿರಸಿ ಮಾರ್ಗವಾಗಿ ಸಿದ್ದಾಪುರಕ್ಕೆ ತೆರಳಬಹುದಾಗಿದೆ. ಸಿದ್ದಾಪುರದಿಂದ ಹೊನ್ನಾವರ ಕಡೆ ಹೋಗುವವರು ಬಡಾಳ್ ಘಾಟ್, ಕುಮಟಾ ಮಾರ್ಗವಾಗಿ ಅಥವಾ ಶಿರಸಿ ಮಾರ್ಗವಾಗಿಯೂ ಕುಮಟಾ ಹೊನ್ನಾವರಕ್ಕೆ ಪ್ರಯಾಣಿಸಬಹುದು ಎಂದು ಜಿಲ್ಲಾಡಳಿತ ಸೂಚಿಸಿದೆ.
ಉತ್ತಮ ಮಾಹಿತಿ ಕೈಗೆಟುಕಲು ಸುಲಭ ಸಾಧನ ನುಡಿಸಿರಿ