ನಟಿ ರಮ್ಯಾ ಮತ್ತೆ ಸ್ಯಾಂಡಲ್ವುಡ್ ಗೆ ಕಂಬ್ಯಾಕ್ ಮಾಡಿದ್ದು, ನಟ ರಾಜ್ ಬಿ. ಶೆಟ್ಟಿ ಜೊತೆ ನಟನೆ ಮಾಡಲಿದ್ದಾರೆ. ರಮ್ಯಾ ತಾವೇ ಪ್ರಾರಂಭಿಸಿರುವ ಆ್ಯಪಲ್ ಬಾಕ್ಸ್ ಸ್ಟುಡಿಯೋದ ಅಧಿಕೃತ ಟ್ವಿಟರ್ ಪೇಜ್ನಲ್ಲಿ ಈ ಕುರಿತು ತಿಳಿಸಿದ್ದಾರೆ.
ಇದರ ಬೆನ್ನಲ್ಲೇ ನಟ ರಾಜ್ ಬಿ ಶೆಟ್ಟಿ ಟ್ವೀಟ್ ಮಾಡಿ, ಪ್ರೀತಿಯ ಕಲಾವಿದೆ ರಮ್ಯಾ ದಿವ್ಯಸ್ಪಂದನಾ ಮತ್ತು ನನ್ನ ಅಭಿನಯದಲ್ಲಿ, ಆ್ಯಪಲ್ ಬಾಕ್ಸ್ ಸ್ಟುಡಿಯೋಗಳ ನಿರ್ಮಾಣದಲ್ಲಿ ಲೈಟರ್ಬುದ್ಧ ಫಿಲ್ಮ್ಸ್ ಸಹಭಾಗಿತ್ವದಲ್ಲಿ ‘ಸ್ವಾತಿ ಮುತ್ತಿನ ಮಳೆ ಹನಿಯೇ’ ಎಂದಿನಂತೆ ನನ್ನ ಪ್ರಯಾಣದಲ್ಲಿ ಪ್ರವೀಣ್ ಶ್ರೀಯಾನ್ ಮೈದುನ್ ಮುಕುಂದನ್, ಸಿನ್ಸ್ ಸಿನೆಮಾ ನನ್ನ ಜೊತೆಗೆ ಇರುತ್ತಾರೆ ಎಂದು ಟ್ವೀಟ್ ಮಾಡಿದ್ದಾರೆ.
ರಾಜ್ ಬಿ. ಶೆಟ್ಟಿ ಜೊತೆ ರಮ್ಯಾ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಕಥೆ-ನಿರ್ದೇಶನವನ್ನು ರಾಜ್ ಬಿ. ಶೆಟ್ಟಿ ಮಾಡಲಿದ್ದಾರೆ. ಈ ಚಿತ್ರದಲ್ಲಿ ರಾಜ್ ಶೆಟ್ಟಿ ನಟಿಸಿರುವ ಗರುಡ ಗಮನ ವೃಷಭ ವಾಹನ ಮೂವಿ ತಂಡವೇ ಇಲ್ಲಿ ಕೆಲಸ ಮಾಡಲಿದೆ ಎನ್ನಲಾಗಿದೆ.
