ಗೋಕರ್ಣ: ರಾಷ್ಟ್ರೀಯ ಸ್ವಯಂ ಸೇವಕರ ಸಂಘದ ಪ್ರಮುಖ ಕಲ್ಲಡ್ಕ ಪ್ರಭಾಕರ ಭಟ್ ಗುರುವಾರ ಇಲ್ಲಿನ ಮಹಾಬಲೇಶ್ವರ ದೇವಾಲಯಕ್ಕೆ ಭೇಟಿ ನೀಡಿ ಆತ್ಮಲಿಂಗಕ್ಕೆ ಪೂಜೆ ಸಲ್ಲಿಸಿದರು.
ಮಂದಿರದ ಮೇಲುಸ್ತುವಾರಿ ಸಮತಿ ಸದಸ್ಯ ವೇ. ಮಹಾಬಲ ಉಪಾಧ್ಯ ಪೂಜಾ ಕೈಂಕರ್ಯ ನೆರವೇರಿಸಿದರು. ಬಳಿಕ ದೇವಾಲಯದ ವತಿಯಿಂದ ಪ್ರಸಾದ ನೀಡಿ ಗೌರವಿಸಿದರು. ಮಂದಿರದಲ್ಲಿರುವ ಧವಳಗಿರಿ ನಂದಿಯನ್ನು ವೀಕ್ಷಿಸಿ ವಂದಿಸಿ, ಆತ್ಮೀಯವಾಗಿ ಕೆಲ ಕಾಲ ಕಳೆದರು. ನಂತರ ಇಲ್ಲಿ ಆದಿಗೋಕರ್ಣ, ತಾಮ್ರಗೌರಿ ದೇವಾಲಯಕ್ಕೆ ತೆರಳಿ ದೇವರ ದರ್ಶನ ಪಡೆದರು. ಪತ್ನಿ, ಮಗಳು ಜೊತೆಗಿದ್ದರು.
