ಸಿದ್ದಾಪುರ: ಶಿಕ್ಷಕರ ದಿನಾಚರಣೆ ಹಿನ್ನೆಲೆಯಲ್ಲಿ ಸಿದ್ದಾಪುರ ತಾಲೂಕಾ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ವತಿಯಿಂದ ನೀಡಲಾಗುವ ಡಾ. ಎ. ಪಿ. ಜೆ ಅಬ್ದುಲ್ ಕಲಾಂ ಉತ್ತಮ ಶಿಕ್ಷಕ ಪ್ರಶಸ್ತಿಗೆ ಆರು ಶಿಕ್ಷಕರನ್ನು ಆಯ್ಕೆ ಮಾಡಲಾಗಿದೆ.
ಅವರಗುಪ್ಪಾ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕಿ ಪ್ರತಿಭಾ ನಿಲೇಕಣಿ, ನೆಜ್ಜೂರು ಸ.ಹಿ.ಪ್ರಾ ಶಾಲೆಯ ಉಮೇಶ ನಾಗು ನಾಯ್ಕ, ಹಂಜಗಿ ಸ.ಕಿ.ಪ್ರಾ ಶಾಲೆಯ ಉಮಾ ಭಟ್, ಸಿದ್ದಾಪುರ ಸ.ಹಿ.ಪ್ರಾ ಉರ್ದು ಶಾಲೆಯ ನಸ್ರಿನ್ ಬಾನು, ಕಂಚಿಕೈ ಸ.ಕಿ.ಪ್ರಾ ಶಾಲೆಯ ಪ್ರೇಮಾ ನಾಯ್ಕ ಹಾಗೂ ವಾಟಗಾರ ಸಕಿಪ್ರಾ ಶಾಲೆಯ ಪ್ರಭಾಕರ ಭಂಡಾರಿ ಇವರನ್ನು ಆಯ್ಕೆ ಮಾಡಲಾಗಿದೆ. ಸೆ. 5 ರಂದು ಪಟ್ಟಣದ ಶಂಕರಮಠದಲ್ಲಿ ನಡೆಯುವ ಶಿಕ್ಷಕರ ದಿನೋತ್ಸವ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ನೀಡಿ ಗೌರವಿಸಲಾಗುವುದು ಎಂದು ಸಂಘದ ಅಧ್ಯಕ್ಷ ಸತೀಶ ಹೆಗಡೆ ಹಾಗೂ ಕಾರ್ಯದರ್ಶಿ ಗುರುರಾಜ ನಾಯ್ಕ ತಿಳಿಸಿದ್ದಾರೆ.
