ಮುಂಡಗೋಡ: ಅಭಿನಯ ಚಕ್ರವರ್ತಿ ನಟ ಕಿಚ್ಚ ಸುದೀಪ 49 ನೇ ವರ್ಷದ ಹುಟ್ಟುಹಬ್ಬದ ಪ್ರಯುಕ್ತ ಶುಕ್ರವಾರ ಇಂದೂರಿನ ಕಿಚ್ಚ ಸುದೀಪ ಅಭಿಮಾನಿ ಬಳಗದಿಂದ ಶ್ರೀಗ್ರಾಮ ದೇವಿಗೆ ಪೂಜೆ ಸಲ್ಲಿಸಿ ಇಂದೂರಿನ ಅಂಗನವಾಡಿಯ 150 ಮಕ್ಕಳಿಗೆ ದಿನಬಳಕೆಯ ವಸ್ತುಗಳನ್ನು ನೀಡಿ ಕೇಕ್ ಕತ್ತರಿಸುವ ಮೂಲಕ ಸುದೀಪ್ ರವರ ಹುಟ್ಟುಹಬ್ಬವನ್ನು ವಿಜೃಂಭಣೆಯಿಂದ ಆಚರಣೆ ಮಾಡಿದರು.
ಸಂಘದ ಅಧ್ಯಕ್ಷ ಮಂಜುನಾಥ ನಡಗೇರಿ ಮಾತನಾಡಿ, ಸುದೀಪ್ ಇನ್ನೂ ಎತ್ತರಕ್ಕೆ ಬೆಳೆದು ಹೆಚ್ಚು ಚಿತ್ರ ಮಾಡಬೇಕು. ಪ್ರತಿ ವರ್ಷ ಅವರ ಹುಟ್ಟುಹಬ್ಬದ ದಿನದಂದು ನಮ್ಮ ಕಿಚ್ಚಾ ಸುದೀಪ್ ಅಭಿಮಾನಿ ಬಳಗದಿಂದ ಸಮಾಜಮುಖಿ ಕೆಲಸವನ್ನು ಮಾಡುತ್ತಾ ಹುಟ್ಟುಹಬ್ಬ ಆಚರಣೆ ಮಾಡುತ್ತೇವೆ ಎಂದರು.
ಈ ಸಂದರ್ಭದಲ್ಲಿ ಪಂಚಾಯಿತಿ ಅಧ್ಯಕ್ಷರಾದ ರೇಣುಕಾ ಬಡಿಗೇರ ಸದಸ್ಯರಾದ ನಾಗಪ್ಪ ಬಳ್ಳಾರಿ, ಚಂದ್ರಶೇಖರ ನಡಗೇರಿ, ಸುಭಾಷ ಧಾರವಾಡ, ನಾಗರಾಜ ಗೊಣ್ಣೆಪ್ಪನವರ, ಗಂಗಾಧರ ಬಡಿಗೇರ, ಮಹೇಶ ದುಮ್ಮಣ್ಣನವರ, ಪ್ರವೀಣ ಪವಾರ ಹಾಗೂ ಮುಂತಾದವರಿದ್ದರು.
