ಬದುಕು ಎಂದಿಗೂ ಕೊನೆಯಿಲ್ಲದ ಯಾನ, ಹಿಮಾಲಯದಷ್ಟು ಎತ್ತರದ ವ್ಯಕ್ತಿತ್ವ ಅವರದ್ದು. ತಮ್ಮ ಕಾದಂಬರಿಗಳ ಮೂಲಕವೇ ವಿಜ್ಞಾನಿಗಳು ಊಹಿಸಲೂ ಸಾಧ್ಯವಾಗದ ಪಾತ್ರಗಳನ್ನು ಸೃಷ್ಟಿಸಿದ ಅಕ್ಷರ ಮಾಂತ್ರಿಕ. ಈ ನವರಾತ್ರಿಯ ಸಮಯದಲ್ಲಿ ಅವರನ್ನು ಕಳೆದುಕೊಂಡಿರುವುದು ದೊಡ್ಡ ದುಃಖ ತಂದಿದೆ… ಇಂತಹ ಭಾವಪೂರ್ಣ ನುಡಿಗಳನ್ನು ಚಿರನಿದ್ರೆಗೆ ಜಾರಿದ ಸಾಹಿತಿ ಎಸ್.ಎಲ್ ಭೈರಪ್ಪನವರಿಗೆ ಹಿರಿಯ ನಟ ಅನಂತ್ ನಾಗ್ ಅರ್ಪಿಸಿದರು.
ಕನ್ನಡ ಸಾಹಿತ್ಯದ ಸಾಕ್ಷಿಪ್ರಜ್ಞೆ, ಪರ್ವತಪ್ರಾಯ ವ್ಯಕ್ತಿತ್ವದ ಭೈರಪ್ಪ (94) ಇಂದಿಲ್ಲ. ತಮ್ಮ ಕಾದಂಬರಿಗಳ ಮೂಲಕ ಅನೇಕ ಪೀಳಿಗೆಗೆ ಚಿಂತನೆ ಹಚ್ಚಿದ ಈ ಅಕ್ಷರ ಮಾಂತ್ರಿಕ ಬದುಕಿನ ಯಾನ ಮುಗಿಸಿ ಹೊರಟಿದ್ದಾರೆ. ಅನಂತ್ ನಾಗ್ ಅವರು ಪಬ್ಲಿಕ್ ಟಿವಿ ಜೊತೆ ಮಾತನಾಡಿ ಭಾವೋದ್ರಿಕ್ತರಾದರು: “ಈ ನವರಾತ್ರಿಯ ಸಮಯದಲ್ಲಿ ಅವರು ಹೋಗಬಾರದು. ಹಿಮಾಲಯದಷ್ಟು ಎತ್ತರದ ವ್ಯಕ್ತಿಯನ್ನು ಕಳೆದುಕೊಂಡಿದ್ದೇವೆ. ನಾವು ಎಲ್ಲರೂ ಅವರ ಕಾದಂಬರಿಗಳನ್ನು ಓದಿ ಬೆಳೆದವರು. ‘ನಾಯಿ ನೆರಳು’ ಕಾದಂಬರಿಯಿಂದಲೇ ನಾನು ನಟನೆಯಲ್ಲಿ ಕಾಲಿಟ್ಟೆ. ಭೈರಪ್ಪನವರ ಬರಹ ಯಾವಾಗಲೂ ನನಗೆ ಪ್ರಿಯವಾಗಿತ್ತು. ಯಾವ ಕಾದಂಬರಿಯನ್ನೂ ಬಿಟ್ಟು ಓದಿಲ್ಲ. ಅದರಲ್ಲಿ ‘ಯಾನ’ ನನ್ನ ಹತ್ತಿರದ ಕೃತಿ. ಇಡೀ ವಿಶ್ವದಲ್ಲಿ ಆ ರೀತಿಯ ಬಾಹ್ಯಾಕಾಶ ಕಲ್ಪನೆ ಯಾರೂ ಬರೆಯಲಿಲ್ಲ. ವಿಜ್ಞಾನಿಗಳಿಗೂ ಊಹಿಸಲಾಗದಂತಹ ಸ್ಪೇಸ್ ಅವರು ಸೃಷ್ಟಿಸಿದರು,” ಎಂದರು.
ಅವರು ಇನ್ನೂ ಹೇಳಿದರು: “ಮಹಿಳೆ, ಪುರುಷನ ಪಾತ್ರ ಸೃಷ್ಟಿಸಿದ ರೀತಿ ಓದಿದರೆ ನಿದ್ರೆ ಬರುವುದೇ ಕಷ್ಟ. ಆಕಾಶ ಕೊನೆಯಿಲ್ಲದಂತೆ, ಬದುಕು ಸಹ ಕೊನೆಯಿಲ್ಲದ ಯಾನ. ಹಿಮಾಲಯಕ್ಕಿಂತಲೂ ದೊಡ್ಡ ವ್ಯಕ್ತಿಯನ್ನು ನಾವು ಕಳೆದುಕೊಂಡಿದ್ದೇವೆ. ಇಂದಿನ ದಿನ ಕನ್ನಡ ಸಾಹಿತ್ಯ ಬಡವಾಗಿದೆ,” ಎಂದು ಅನಂತ್ ನಾಗ್ ಕಣ್ಣೀರಿಟ್ಟರು.
Related posts:
ಪ್ರಮಾಣ ವಚನ ಸ್ವೀಕರಿಸಿದ 17 ಪರಿಷತ್ ಸದಸ್ಯರು, ಮೊದಲ ಬಾರಿಗೆ ಪರಿಷತ್ ಪ್ರವೇಶಿಸಿದ ಯತೀಂದ್ರ
ಹಜ್ ಯಾತ್ರೆಗೆ ತೆರಳಿದ್ದ ಬೆಂಗ್ಳೂರಿನ ಇಬ್ಬರು ಸಾವು – ಕರ್ನಾಟಕದ 10,000ಕ್ಕೂ ಹೆಚ್ಚು ಮಂದಿ ಸೇಫ್!
ಕೆರೆಯಲ್ಲಿ ಈಜಲು ಹೋಗಿ ಮೂವರು ನೀರುಪಾಲು ಶಂಕೆ; ಓರ್ವನ ಶವ ಪತ್ತೆ
ಫ್ರೀ ಟಿಕೆಟ್ ತೋರಿಸಿದ್ದಕ್ಕೆ ಫುಲ್ ಟ್ರೋಲ್, ನೆಟ್ಟಿಗರಿಗೆ ಖಡಕ್ ಉತ್ತರ ನೀಡಿದ ಲಾವಣ್ಯ ಬಲ್ಲಾಳ್!