ನವದೆಹಲಿ, ಜೂನ್ 1: ತೈಲ ಮಾರುಕಟ್ಟೆ ಕಂಪನಿಗಳು 19 ಕೆಜಿ ಎಲ್ಪಿಜಿ ಗ್ಯಾಸ್ ಸಿಲಿಂಡರ್ ನ ಬೆಲೆಯನ್ನು 24 ರೂಪಾಯಿಗಳಷ್ಟು ಕಡಿಮೆ ಮಾಡಿದೆ. ಗೃಹ ಬಳಕೆಗೆ ಬಳಸುವ ಎಲ್ ಪಿಜಿ ಸಿಲಿಂಡರ್ ಬೆಲೆಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ಇಂದಿನಿಂದ 19 ಕೆಜಿ ವಾಣಿಜ್ಯ ಬಳಕೆ ಎಲ್ಪಿಜಿ ಸಿಲಿಂಡರ್ನ ಬೆಲೆ 24 ರೂ.ಗಳಷ್ಟು ಕಡಿತವಾಗಿದೆ.ಏಪ್ರಿಲ್ 8, 2025 ರಿಂದ ದೇಶೀಯ ಅನಿಲ ಸಿಲಿಂಡರ್ ಅಂದರೆ 14 ಕೆಜಿ ಎಲ್ಪಿಜಿ ಸಿಲಿಂಡರ್ನ ಬೆಲೆಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ.
ಇಂಡಿಯನ್ ಆಯಿಲ್ ಹೊರಡಿಸಿದ ಹೊಸ ದರದ ಪ್ರಕಾರ, 19 ಕೆಜಿ ಎಲ್ಪಿಜಿ ಸಿಲಿಂಡರ್ ಈಗ ದೆಹಲಿಯಲ್ಲಿ 1723.50 ರೂ.ಗೆ ಲಭ್ಯವಿರುತ್ತದೆ. ಮೊದಲು ಇದು 1747.50 ರೂ.ಗೆ ಲಭ್ಯವಿತ್ತು. ಇಂದು ಜೂನ್ 1 ರಿಂದ 24 ರೂಪಾಯಿಗಳಷ್ಟು ಅಗ್ಗವಾಗಿದೆ. ಇಂದಿನಿಂದ ಕೋಲ್ಕತ್ತಾದಲ್ಲಿ ವಾಣಿಜ್ಯ ಸಿಲಿಂಡರ್ 1851.50 ರೂ. ಬದಲಿಗೆ 1826 ರೂ.ಗೆ ಲಭ್ಯವಿರುತ್ತದೆ.
ಈಗ ಮುಂಬೈನಲ್ಲಿ ಈ ಸಿಲಿಂಡರ್ ದರ 1674.50 ರೂ. ಆಗಿದೆ. ಮೊದಲು, ಅಂದರೆ ಮೇ ತಿಂಗಳಲ್ಲಿ, ಇದು 1699 ರೂ.ಗಳಿಗೆ ಲಭ್ಯವಿತ್ತು. ನಾವು ಚೆನ್ನೈ ಬಗ್ಗೆ ಮಾತನಾಡಿದರೆ, ಇಲ್ಲಿ ವಾಣಿಜ್ಯ ಸಿಲಿಂಡರ್ ಮೊದಲು 1906 ರೂ.ಗಳಿಗೆ ಲಭ್ಯವಿತ್ತು ಮತ್ತು ಈಗ ಅದು 1881 ರೂ.ಗಳಿಗೆ ಲಭ್ಯವಿರುತ್ತದೆ.
ದೆಹಲಿಯಲ್ಲಿ, 14 ಕೆಜಿ ಎಲ್ಪಿಜಿ ಸಿಲಿಂಡರ್ ಏಪ್ರಿಲ್ 8 ರ ದರದಲ್ಲಿ ಲಭ್ಯವಿದೆ. ಇಂದಿಗೂ ಜೂನ್ 1, 2025 ರಂದು ಅದನ್ನು ಕೇವಲ 853 ರೂ.ಗಳಿಗೆ ಮಾರಾಟ ಮಾಡಲಾಗುತ್ತಿದೆ. ಎಲ್ಪಿಜಿ ಸಿಲಿಂಡರ್ ಬೆಲೆ ಕೋಲ್ಕತ್ತಾದಲ್ಲಿ 879 ರೂ., ಮುಂಬೈನಲ್ಲಿ 852.50 ರೂ. ಮತ್ತು ಚೆನ್ನೈನಲ್ಲಿ 868.50 ರೂ.ಇದೆ. ಬೆಂಗಳೂರಿನಲ್ಲಿ 1,796 ರೂ. ಇದೆ.
ಎಲ್ಪಿಜಿ ಸಿಲಿಂಡರ್ ಬೆಲೆಯನ್ನು ಹೇಗೆ ನಿರ್ಧರಿಸಲಾಗುತ್ತದೆ? ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ಬೆಲೆಗಳು ಮತ್ತು ಬೇಡಿಕೆ-ಪೂರೈಕೆಯನ್ನು ಅವಲಂಬಿಸಿ ವಾಣಿಜ್ಯ ಸಿಲಿಂಡರ್ಗಳ ಬೆಲೆಗಳು ಏರಿಳಿತಗೊಳ್ಳುತ್ತಲೇ ಇರುತ್ತವೆ. ಉದಾಹರಣೆಗೆ, ದೆಹಲಿಯಲ್ಲಿ 19 ಕೆಜಿ ಸಿಲಿಂಡರ್ ಬೆಲೆ ಮೇ 2025 ರಲ್ಲಿ 1,747.50 ರೂ. ಆಗಿದ್ದು, ಇದು ಏಪ್ರಿಲ್ಗಿಂತ 17ರೂ. ಕಡಿಮೆಯಾಗಿದೆ. ಈಗ ಜೂನ್ನಲ್ಲಿ ಅದು ಅಗ್ಗವಾಗಿದ್ದು 1723.50 ರೂ.ಗೆ ತಲುಪಿದೆ.
ದೇಶೀಯ ಸಿಲಿಂಡರ್ ಬೆಲೆಗಳನ್ನು ಸರ್ಕಾರವು ನಿಯಂತ್ರಿಸುತ್ತದೆ ಮತ್ತು ದೀರ್ಘಕಾಲದವರೆಗೆ ಸ್ಥಿರವಾಗಿರುತ್ತದೆ. ಉದಾಹರಣೆಗೆ, ದೆಹಲಿಯಲ್ಲಿ 14.2 ಕೆಜಿ ಸಿಲಿಂಡರ್ನ ಬೆಲೆ ಮಾರ್ಚ್ 2024 ರಿಂದ 803 ರೂ. ರಷ್ಟಿತ್ತು, ಏಪ್ರಿಲ್ನಲ್ಲಿ ಇದನ್ನು 50ರೂ,ನಿಂದ 853 ರೂ.ಗೆ ಹೆಚ್ಚಿಸಲಾಯಿತು.
