ಯಲ್ಲಾಪುರ: ತಾಲೂಕಿನ ಮಲವಳ್ಳಿಯ ಭಾರತೀಯ ಕಿಸಾನ್ ಸಂಘದ ಘಟಕದಿಂದ ಭಗವಾನ್ ಶ್ರೀ ಬಲರಾಮ ಜಯಂತಿ ಪ್ರಯುಕ್ತ ಶ್ರಮದಾನ ಮಾಡಲಾಯಿತು.
ಮಲವಳ್ಳಿ-ಮರಹಳ್ಳಿ ಮುಖ್ಯ ರಸ್ತೆಯ ಬೋಳ್ಮನೆಯಿಂದ ನೆಲ್ಲಿಗುಡ್ಡೆಯವರೆಗೆ ಮತ್ತು ಮಲವಳ್ಳಿ- ಬೇಣದಗುಳೆ ಕಾಂಕ್ರೀಟ್ ರಸ್ತೆಯ ಇಕ್ಕೆಲಗಳಲ್ಲಿ ಹರಡಿಕೊಂಡಿರುವ ನೂರಾರು ಪ್ಲಾಸ್ಟಿಕ್ ಚೀಲಗಳನ್ನು ಒಟ್ಟುಗೂಡಿಸಿ ವಿಲೇವಾರಿ ಮಾಡಲಾಯಿತು.
ಮೇಯಲು ಹೋಗುವ ದನ-ಕರುಗಳು ಪ್ಲಾಸ್ಟಿಕ್ ತ್ಯಾಜ್ಯವನ್ನು ತಿನ್ನದಂತೆ ರಕ್ಷಿಸುವ ಹಾಗೂ ಮಣ್ಣು, ಜಲಮೂಲ ಮತ್ತು ಪರಿಸರ ರಕ್ಷಣೆಯ ಉದ್ದೇಶದಿಂದ ಸಂಘವು ಈ ಕಾರ್ಯ ಹಮ್ಮಿಕೊಂಡಿತ್ತು.
ಶ್ರಮದಾನದಲ್ಲಿ ಭಾರತೀಯ ಕಿಸಾನ್ ಸಂಘದ ತಾಲೂಕಾಧ್ಯಕ್ಷ ವಿಘ್ನೇಶ್ವರ ಭಟ್ಟ್ ಹೊಸ್ತೋಟ, ಕಾರ್ಯದರ್ಶಿ ಸುದರ್ಶನ ಭಟ್ಟ್ ಹಬ್ಬನಜಡ್ಡಿ, ರಾಘವೇಂದ್ರ ಭಟ್ಟ್, ಜಗದೀಶ ಗೇರಾಳ, ಸುಬ್ಬಣ್ಣ ಬೋಳ್ಮನೆ, ಉಪಾಧ್ಯಕ್ಷ ವಿ.ಪಿ.ಹೆಬ್ಬಾರ್ ಹಾಗೂ ಇತರರು ಭಾಗಿಯಾಗಿದ್ದರು.
