ಮುಂಡಗೋಡ : ತಾಲೂಕಿನ ಮಜ್ಜೀಗೇರಿಯ ಭರ್ಮಪ್ಪ ಭೋವಿಗೆ ಗಂಭೀರವಾದ ಗಾಯಗಳಾಗಿವೆ. ಭರ್ಮಪ್ಪ ಸಂಜೆ ವೇಳೆಗೆ ಬಹಿರ್ದೆಸೆಗಾಗಿ ಹೊರಗೆ ಹೋಗಿದ್ದಾರೆ. ಆಗ ಅವರಿಗೆ ದೂರದಲ್ಲಿ ಹೊಳಪಿರುವ ವಸ್ತುವೊಂದು ಕಂಡಿದೆ. ಅದನ್ನು ದೂರದಿಂದ ನೋಡಿದವರು ಸೀದಾ ಹತ್ತಿರಕ್ಕೆ ಹೋಗಿ ನೋಡಿದ್ದಾರೆ. ಆದರೆ, ಅದೇನು ಎಂದೇ ಗೊತ್ತಾಗಲಿಲ್ಲ. ಹೀಗಾಗಿ ಇನ್ನೂ ಹತ್ತಿರಕ್ಕೆ ಹೋಗಿ ನೋಡಿದ್ದಾರೆ. ಆದರೂ ಅದೇನೆಂದು ಗೊತ್ತಾಗಲಿಲ್ಲ.
ಅಲ್ಲಾಗಿದ್ದೇನು?
ನೋಡಲು ಹೊಳಪಾಗಿರುವ ವಸ್ತುವಾಗಿದ್ದರಿಂದ ಅವರಿಗೆ ಕುತೂಹಲ ಹೆಚ್ಚಿದೆ. ಹೀಗಾಗಿ ಆ ಹೊಳಪಿರುವ ವಸ್ತುವನ್ನು ಒತ್ತಿ ನೋಡಿದ್ದಾರೆ. ಆಗ ಅದು ಸ್ಫೋಟಗೊಂಡಿದೆ. ಬಳಿಕವೇ ಗೊತ್ತಾಗಿದ್ದು ಅದು ನಾಡ ಬಾಂಬ್‌ ಎಂದು! ಹೀಗಾಗಿ ಅವರ ಕೈನ ಮೂರು ಬೆರಳುಗಳು ತುಂಡಾಗಿವೆ. ಕಾಲಿಗೂ ಗಂಭೀರವಾದ ಗಾಯಗಳಾಗಿವೆ. ಸಂಜೆ ಬಹಿರ್ದೆಸೆಗೆ ಹೋಗಿದ್ದ ವೇಳೆ ಈ ಅವಘಡ ನಡೆದಿದೆ. ಮುಂಡಗೋಡ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
