ಮುಂಡಗೋಡ: ಚವಡಳ್ಳಿ-ಮಲವಳ್ಳಿ ವ್ಯವಸಾಯ ಸೇವಾ ಸಹಕಾರಿ ಸಂಘದ ಅಧ್ಯಕ್ಷರಾಗಿ ಮೌಲಾಲಿ ನಧಾಪ್ ಉಪಾಧ್ಯಕ್ಷರಾಗಿ ಶಿವಾನಂದ ಬಿಸವಣ್ಣವರ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಈ ಹಿಂದೆ ಅಧ್ಯಕ್ಷರಾಗಿದ್ದ ಪರಶುರಾಮ ತಹಶೀಲ್ದಾರ ಹಾಗೂ ಉಪಾಧ್ಯಕ್ಷ ನಿಂಗಪ್ಪ ಭದ್ರಾಪುರ ತಮ್ಮ ಸ್ಥಾನಗಳಿಗೆ ರಾಜೀನಾಮೆ ಸಲ್ಲಿಸಿದ ಕಾರಣ ಈ ಸ್ಥಾನಗಳು ತೆರವುಗೊಂಡಿದ್ದವು. ಭಾನುವಾರ ಚುನಾವಣೆ ನಿಗದಿಪಡಿಸಲಾಗಿತ್ತು. ಅಧ್ಯಕ್ಷ ಸ್ಥಾನಕ್ಕೆ ಮೌಲಾಲಿ ನದಾಫ್ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಶಿವಾನಂದ ಬಿಸವಣ್ಣವರ ನಾಮಪತ್ರ ಸಲ್ಲಿಸಿದ್ದರು.
ಬೇರೆ ಯಾವ ಸದಸ್ಯರೂ ನಾಮಪತ್ರ ಸಲ್ಲಿಸದ ಕಾರಣ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. ಈ ಬಗ್ಗೆ ಚುನಾವಣಾ ಅಧಿಕಾರಿ ಶಕ್ತಿ ಪ್ರಸಾದ ಜಂಬಗಿ ಅಧಿಕೃತ ಘೋಷಣೆ ಮಾಡಿದರು.
ಈ ವೇಳೆ ಮುಖಂಡರಾದ ಮಂಜುನಾಥ ಕಟಗಿ, ಪರಶುರಾಮ ತಹಸೀಲ್ದಾರ್, ವೈ.ಪಿ.ಪಾಟೀಲ, ಪಿ.ಜಿ.ಪಾಟೀಲ್, ಸುನೀಲ್ ವೇರ್ಣೆಕರ, ಗೋಪಾಲ್ ಪಾಟೀಲ್, ಧರ್ಮಣ್ಣ ಆರೆಗೋಪ್ಪ, ಆಗಾಖಾನ್ ಪಠಾಣ್ ಸೇರಿದಂತೆ ಮುಂತಾದವರು ಉಪಸ್ಥಿತರಿದ್ದರು.
