ಹಳಿಯಾಳ : ತಾಲ್ಲೂಕಿನ ಶ್ರೀ ಕೃಷ್ಣ ಧನಗರ ಗೌಳಿ ಹಿಂದುಳಿದ ವರ್ಗದವರ ಸಮುದಾಯ ಸಹಕಾರಿ ಸಂಘದ ವಾರ್ಷಿಕ ಸಭೆಯು ಇಂದು ಭಾನುವಾರ ಹಳಿಯಾಳ ಪಟ್ಟಣದಲ್ಲಿರುವ ಶ್ರೀ ಕೃಷ್ಣ ಧನಗರ ಗೌಳಿ ಹಿಂದುಳಿದ ವರ್ಗದವರ ಸಮುದಾಯ ಸಹಕಾರಿ ಸಂಘದ ಸಭಾಭವನದಲ್ಲಿ ಜರುಗಿತು.
ಸಂಘದ ಅಧ್ಯಕ್ಷರಾದ ಲಕ್ಷ್ಮಣ ಲಂಬೋರೆಯವರ ಅಧ್ಯಕ್ಷತೆಯಲ್ಲಿ ಸಂಘದ ಐದನೇ ವಾರ್ಷಿಕ ಸಭೆಯು ಜರುಗಿತು.ವರ್ಷದಿಂದ ವರ್ಷಕ್ಕೆ ಸಂಘ ಪ್ರಗತಿಯನ್ನು ಸಾಧಿಸುತ್ತಿದ್ದು, ಈ ಸಹಕಾರಿ ಸಂಘವು ನಮ್ಮ ಸಮುದಾಯದ ಆರ್ಥಿಕ ಏಳಿಗೆಗಾಗಿ ಪ್ರಾರಂಭಿಸಲಾಗಿದ್ದು, ಸಂಘದ ಪ್ರಗತಿಗೆ ಸಮುದಾಯ ಬಾಂಧವರು ಸದಾ ಸಹಕಾರವನ್ನು ನೀಡಬೇಕೆಂದು ಕರೆ ನೀಡಿದರು..
ವೇದಿಕೆಯಲ್ಲಿ ಸಂಘದ ಉಪಾಧ್ಯಕ್ಷ ಕೊಂಡು ವಿಠ್ಠು ಕೊಕರೆ, ಸಂಘದ ನಿರ್ದೇಶಕರುಗಳಾದ ಬಮ್ಮು ಎಡಗೆ, ಜಾನು ಜೋರೆ, ವಿಠಲ ಆಡೋಳ್ಕರ್, ದಾಕ್ಲು ಜೋರೆ, ನವಲು ಮಿಶಾಳೆ, ಠಕ್ಕು ಬಾಜಾರಿ, ವಿಠ್ಠು ಸೆಳಕೆ, ವಾಗು ಕೊಕರೆ, ಬಾಗು ತಾಟೆ, ಜನಾಬಾಯಿ ಥೋರವತ್, ನಾಗುಬಾಯಿ ಪಂಗಡೆ ಉಪಸ್ಥಿತರಿದ್ದರು.ಕಾರ್ಯಕ್ರಮದಲ್ಲಿ ಕ್ರೀಡಾ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ಹಳಿಯಾಳ ತಾಲೂಕಿನ ಧನಗರ ಗೌಳಿ ಸಮುದಾಯದ ಸಾಧಕರನ್ನು ಸನ್ಮಾನಿಸಲಾಯಿತು.
ಸಂಘದ ಮುಖ್ಯ ಕಾರ್ಯನಿರ್ವಾಹಕ ಬಾಬು ವಿಠ್ಟು ಗಾವಾಡೆ ವಾರ್ಷಿಕ ವರದಿಯನ್ನು ಮಂಡಿಸಿದರು.
