ಭಟ್ಕಳ: ಸೌದಿ ಅರೇಬಿಯಾ ಮೆಕ್ಕಾದಲ್ಲಿ ನಡೆದ 43ನೇ ಅಂತರಾಷ್ಟ್ರೀಯ ಮಟ್ಟದ ಕುರಾನ್ ಪಠಣ ಸ್ಪರ್ಧೆಯಲ್ಲಿ ಭಟ್ಕಳ ಕಾರಗದ್ದೆ ನಿವಾಸಿ ಇಬ್ರಾಹಿಂ ಫಾಹಿಂ ಶಾಬಂದ್ರಿ ದ್ವಿತೀಯ ಸ್ಥಾನ ಪಡೆದುಕೊಂಡಿದ್ದಾನೆ.
ಇಬ್ರಾಹಿಂ ಜಾಮೀಯಾ ಸಲಫಿಯಾ ಬನಾರಸ್ ಮದರಸಾದ ವಿದ್ಯಾರ್ಥಿಯಾಗಿದ್ದಾನೆ. ಸೌದಿಅರೇಬಿ ಯಾದಲ್ಲಿ 5 ವಿವಿಧ ವಿಭಾಗಗಳಲ್ಲಿ ಕುರಾನ್ ಪಠಣ ಸ್ಪರ್ಧೆಯನ್ನು ಅಲ್ಲಿನ ಸರಕಾರ ಆಯೋಜಿಸಿತ್ತು. ದ್ವಿತೀಯ ಬಹುಮಾನ ಪಡೆದ
ಇಬ್ರಾಹಿಂಗೆ ರು.13,30,000 ನೀಡಲಾಗಿದೆ. ಜಗತ್ತಿನ 117 ದೇಶಗಳ 166 ಅಭ್ಯರ್ಥಿಗಳು ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಭಾರತದ ಪರ ಭಟ್ಕಳದ ಇಬ್ರಾಹಿಂಗೆ ಅವಕಾಶ ನೀಡಲಾಗಿತ್ತು. ಕುರಾನ್ ಪಠಣ ಮುಖ್ಯ ವಿಭಾಗದಲ್ಲಿ ವಿಜೇತರಾದವರಿಗೆ 1ಕೋಟಿ ಬಹುಮಾನ ಘೋಷಿಸಲಾಗಿದ್ದು, ಅದು ಸೌದಿ ಅರೇಬಿಯಾ ಪ್ರಜೆಯ ಪಾಲಾಗಿದೆ.
