ದಾಂಡೇಲಿ : ಮಳೆಗೆ ಬೃಹತ್ ಪ್ರಮಾಣದ ಆವರಣ ಗೋಡೆಯೊಂದು ಕುಸಿದು ಹಾನಿಯಾದ ಘಟನೆ ದಾಂಡೇಲಿ ನಗರದ ಜೆ.ಎನ್.ರಸ್ತೆಯಲ್ಲಿ ಬರುವ 14ನೇ ಬ್ಲಾಕ್ ಹತ್ತಿರ ನಡೆದಿದೆ.
ನಗರದ ಆಟೋ ಚಾಲಕರ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷರಾದ ಬಾಬಾಸಾಬ್ ಜಮಾದಾರ ಅವರ ಮನೆಯ ಮುಂಭಾಗದಲ್ಲಿದ್ದ ಬೃಹತ್ ಗಾತ್ರದ ಆವರಣ ಗೋಡೆ ಮಳೆಯ ಹಿನ್ನಲೆಯಲ್ಲಿ ಕುಸಿದು ಬಿದ್ದು ಹಾನಿಯಾಗಿದೆ. ಇತ್ತೀಚೆಗೆ ಸುರಿದ ಬಾರಿ ಮಳೆಯಿಂದಾಗಿ ನಗರದ ಹಲವೆಡೆ ಮನೆ ಕುಸಿದು ಬಿದ್ದ ಘಟನೆಗಳು ನಡೆದಿದ್ದು, ಇನ್ನೂ ಹಲವೆಡೆ ಮರಗಳು ಧರೆಗುರುಳಿರುವುದನ್ನು ಇಲ್ಲಿ ಸ್ಮರಿಸಿಕೊಳ್ಳಬಹುದು.
