ದಾಂಡೇಲಿ : ಪರಿಸರ ಸಂರಕ್ಷಣೆ, ವನ್ಯ ಪ್ರಾಣಿಗಳ ಸಂರಕ್ಷಣೆ ಮತ್ತು ಜಾಗೃತಿಗಾಗಿ ಕಳೆದ ಹಲವು ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಾ ಬಂದಿರುವ ನಗರದ ಗ್ರೀನ್ ಅಂಬ್ರೆಲ್ಲಾ ಇಕೋ ಕ್ಲಬ್ ಕಳೆದ ಹಲವು ವರ್ಷಗಳಿಂದ ದಾಂಡೇಲಿ, ಜೋಯಿಡಾ ಮತ್ತು ಹಳಿಯಾಳ ತಾಲ್ಲೂಕು ವ್ಯಾಪ್ತಿಯ ವಿವಿಧ ಸರಕಾರಿ ಶಾಲೆಗಳ ವಿದ್ಯಾರ್ಥಿಗಳಿಗೆ ಉಚಿತವಾಗಿ ನೋಟುಬುಕ್ ಮತ್ತು ಕಲಿಕಾ ಸಾಮಾಗ್ರಿಗಳನ್ನು ವಿತರಿಸುತ್ತಾ ಬರುವುದರ ಮೂಲಕ ಶೈಕ್ಷಣಿಕ ಕಾಳಜಿಯನ್ನು ಮೆರೆದಿದೆ.
ಈ ವರ್ಷವೂ ಇದೀಗ ಅಂಬಿಕಾನಗರದ ಜಮಗಾದಲ್ಲಿರುವ ಸ.ಹಿ.ಪ್ರಾ.ಶಾಲೆ, ಅಂಬಿಕಾನಗರದ ಸ.ಕಿ.ಪ್ರಾ.ಶಾಲೆ, ಕೇಗದಾಳದ ಸ.ಕಿ.ಪ್ರಾ.ಶಾಲೆ, ಕಲಬಾವಿ ಗ್ರಾಮದ ಸ.ಕಿ.ಪ್ರಾ.ಶಾಲೆ, ಕುಳಗಿಯ ಸ.ಕಿ.ಪ್ರಾ.ಶಾಲೆ, ಅಡ್ಡಿಗೇರಾದ ಸ.ಕಿ.ಪ್ರಾ.ಶಾಲೆ, ಫಣಸೋಲಿಯ ಸ.ಕಿ.ಪ್ರಾ.ಶಾಲೆ, ಹಾಗೂ ಭಾಗವತಿ ವ್ಯಾಪ್ತಿಯ ಸರಕಾರಿ ಶಾಲೆಯ ವಿದ್ಯಾರ್ಥಿಗಳಿಗೆ ಉಚಿತ ನೋಟುಬುಕ್ ಗಳನ್ನು ಹಾಗೂ ಕಲಿಕಾ ಸಾಮಾಗ್ರಿಗಳನ್ನು ವಿತರಿಸಿದೆ. ಇದರ ಹೊರತಾಗಿಯೂ ವನ್ಯಜೀವಿ ಇಲಾಖೆಯಲ್ಲಿ ಗುತ್ತಿಗೆ ಚಾಲಕರಾಗಿ ಸೇವೆ ಸಲ್ಲಿಸುತ್ತಿರುವ ಚಾಲಕರ ಮಕ್ಕಳಿಗೂ ನೋಟುಬುಕ್ ಮತ್ತು ಕಲಿಕಾ ಪರಿಕರಗಳನ್ನು ಗ್ರೀನ್ ಅಂಬ್ರೆಲ್ಲಾ ಇಕೋ ಕ್ಲಬ್ ವಿತರಿಸುವ ಮೂಲಕ ನಿಜವಾದ ಶೈಕ್ಷಣಿಕ ಸೇವಾ ಕೈಂಕರ್ಯದಲ್ಲಿ ತನ್ನನ್ನು ತಾನು ತೊಡಗಿಸಿಕೊಂಡಿದೆ.
ಗ್ರೀನ್ ಅಂಬ್ರೆಲ್ಲಾ ಇಕೋ ಕ್ಲಬಿನ ಪ್ರವರ್ತಕರಾದ ಅವಳಿ ಜೋಡಿ ರಾಹುಲ್ ಬಾವಾಜಿ ಮತ್ತು ರೋಶನ್ ಬಾವಾಜಿಯವರ ನೇತೃತ್ವದಲ್ಲಿ ಮೂರರಿಂದ ನಾಲ್ಕು ಲಕ್ಷ ರೂ ಮೊತ್ತದ ನೋಟ್ ಬುಕ್ ಮತ್ತು ಕಲಿಕಾ ಸಾಮಾಗ್ರಿಗಳ ವಿತರಣಾ ಕಾರ್ಯದ ಯಶಸ್ಸಿಗೆ ಬಾವಾಜಿ ಪರಿವಾರದವರು ಕೈ ಜೋಡಿಸಿದರೇ, ತುಳಸಿದಾಸ್ ನಾಯ್ಕ ಸಹಕರಿಸುತ್ತಿದ್ದಾರೆ. ರಾಹುಲ್ ಬಾವಾಜಿ ಮತ್ತು ರೋಶನ್ ಬಾವಾಜಿ ನೇತೃತ್ವದ ಗ್ರೀನ್ ಅಂಬ್ರೆಲ್ಲಾ ಇಕೋ ಕ್ಲಬಿನ ಶೈಕ್ಷಣಿಕ ನೆರವು ಕಾರ್ಯಕ್ಕೆ ಈ ಎಲ್ಲಾ ಶಾಲೆಗಳ ಶಿಕ್ಷಕ ವೃಂದದವರು ಮತ್ತು ಶಾಲಾಭಿವೃದ್ಧಿ ಸಮಿತಿಯವರು ಹಾಗೂ ವಿಶೇಷವಾಗಿ ವಿದ್ಯಾರ್ಥಿಗಳು ಹರ್ಷ ವ್ಯಕ್ತಪಡಿಸಿ, ಕೃತಜ್ಞತೆ ಸಲ್ಲಿಸಿದ್ದಾರೆ.
Related posts:
ಜೀವನ್ಮರಣ ಹೋರಾಟದಲ್ಲಿದ್ದ ಬಿಡಾಡಿ ದನವನ್ನು ರಕ್ಷಿಸಿದ ಸ್ಥಳೀಯರು ಮತ್ತು ಪಶುವೈದ್ಯ ಇಲಾಖೆಯ ಸಿಬ್ಬಂದಿಗಳು
ದಾಂಡೇಲಿ:ಶ್ರೀ.ಲಕ್ಷ್ಮೀ ವೆಂಕಟರಮಣ ದೇವಸ್ಥಾನದ ವ್ಯವಸ್ಥಾಪಕರಾದ ಸುಹಾಸ್ ರಾಮಚಂದ್ರ ನಾಯಕ್ ವಿಧಿವಶ
ದಾಂಡೇಲಿ :ಮೈಸೂರಿನಲ್ಲಿ ನಡೆಯುತ್ತಿರುವ ಪ್ರತಿಭಟನೆಯಲ್ಲಿ ದಾಂಡೇಲಿಯ ಸಿಐಟಿಯು ಮುಖಂಡರು ಭಾಗಿ
ದಾಂಡೇಲಿ :ದಾಂಡೇಲಿಯಲ್ಲಿ ಕತ್ತಲೆಯಲ್ಲಿರುವ ಇಂದಿರಾ ಕ್ಯಾಂಟೀನ್ : ವಿದ್ಯುತ್ ಬಿಲ್ ಬಾಕಿ – ಕರೆಂಟ್ ಕಟ್