ದಾಂಡೇಲಿ : ಕಾಲಿಗೆ ಗಂಭೀರ ಗಾಯ ಮಾಡಿಕೊಂಡು ಹುಳವಾಗಿ ಜೀವನ್ಮರಣದ ಹೋರಾಟದಲ್ಲಿದ್ದ ಎತ್ತುವೊಂದನ್ನು ನಗರದ ಗೋ ಪ್ರೇಮಿಗಳು ರಕ್ಷಿಸಿದ ಘಟನೆ ದಾಂಡೇಲಿ ನಗರದ ಡಿ.ಎಫ್.ಎ ಮೈದಾನದ ಹತ್ತಿರ ಮಂಗಳವಾರ ತಡರಾತ್ರಿ ನಡೆದಿದೆ.
ಡಿ.ಎಫ್.ಎ ಮೈದಾನದ ಹತ್ತಿರ ಬಿಡಾಡಿ ಎತ್ತುವಿನ ಕಾಲಿಗೆ ಗಂಭೀರ ಗಾಯವಾಗಿ, ಹುಳವಾಗಿ ಜೀವನ್ಮರಣ ಹೋರಾಟದಲ್ಲಿ ನರಳಾಡುತ್ತಿತ್ತು. ಇದನ್ನು ಗಮನಿಸಿದ ಸ್ಥಳೀಯ ಗೋಪ್ರೇಮಿಗಳಾದ ಭೀಮುಶಿ ಬಾದುಲಿ, ಅಭಿಷೇಕ್ ಮತ್ತು ಲಿಂಗಯ್ಯ ಹಾಗೂ ಸ್ಥಳೀಯರು ಸೇರಿ ಎತ್ತುವಿನ ಕಾಲಿನಲ್ಲಿದ್ದ ಹುಳವನ್ನು ತೆಗೆದು, ಕಾಲನ್ನು ತೊಳೆದು, ಆನಂತರ ಔಷಧಿಯನ್ನು ಸಿಂಪಡಿಸುವುದರ ಜೊತೆಗೆ ಪಶುವೈದ್ಯ ಆಸ್ಪತ್ರೆಯಿಂದ ಸೂಕ್ತ ಚಿಕಿತ್ಸೆಯನ್ನು ನೀಡುವಲ್ಲಿ ಯಶಸ್ವಿಯಾಗುವುದರ ಜೊತೆಗೆ ಅಂಗಾತವಾಗಿ ಬಿದ್ದು ನರಳಾಡುತ್ತಿದ್ದ ಎತ್ತುವಿಗೆ ಜೀವದ ಉಸಿರು ನೀಡಿ ಕಾಪಾಡಿದ್ದಾರೆ.
ಗೋಪ್ರೇಮಿಗಳ ಈ ಮಾನವೀಯ ಕಾರ್ಯಕ್ಕೆ ನಗರದಲ್ಲಿ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.
