ಸಿದ್ದಾಪುರ : ಪಟ್ಟಣದಲ್ಲಿರುವ ಸೌಭಾಗ್ಯ ಫಾಸ್ಟ್ ಫುಡ್ ನಲ್ಲಿ ಗ್ರಾಹಕನೋರ್ವ ದಾಖಲೆಗಳನ್ನೊಳಗೊಂಡ ಬ್ಯಾಗ್ ಮತ್ತು 10,000 ಹಣವನ್ನು ಮರೆತು ಬಿಟ್ಟು ಹೋಗಿದ್ದರು. ಇದನ್ನ ಗಮನಿಸಿದ ಫಾಸ್ಟ್ ಫುಡ್ ಮಾಲಕ ಮಹಾಬಲೇಶ್ವರ ಮೂಕ ನಾಯ್ಕ್ ಬೇಡ್ಕಣಿ ರವರು ಪೋಲೀಸರ ಸಮಕ್ಷಮ ವಾರಸುದಾರರಿಗೆ ಮರಳಿಸಿ ಪ್ರಾಮಾಣಿಕತೆ ಮೆರೆದಿದ್ದಾರೆ
ತಾಲೂಕಿನ ಸೂರಗಾಲ ಮೂಲದ ಶ್ರೀಧರ್ ಬಿರಾ ನಾಯ್ಕ್, ತಮ್ಮ ಬ್ಯಾಗ ಮತ್ತು 10,000 ಹಣವನ್ನು ಮರೆತು ಬಿಟ್ಟು ಹೋಗಿದ್ದನ್ನು ಮಹಾಬಲೇಶ್ವರ ಮೂಕ ನಾಯ್ಕ್ ರವರು ಪ್ರಾಮಾಣಿಕತೆಯಿಂದ ಠಾಣೆಗೆ ತಂದು ಕೊಟ್ಟಿದ್ದು ಪಿಎಸ್ಐ ಮಹಾಂತಪ್ಪ ಕುಂಬಾರ್ ಅವರು ಶ್ರೀಧರ್ ನಾಯ್ಕ್ ರವರಿಗೆ ಬ್ಯಾಗ ಮತ್ತು ಹಣವನ್ನು ವಾಪಸ್ ನೀಡಿದ್ದು ಮಹಾಬಲೇಶ್ವರ ನಾಯ್ಕ್ ಇವರ ಕಾರ್ಯಕ್ಕೆ ಉತ್ತರ ಕನ್ನಡ ಜಿಲ್ಲಾ ಪೊಲೀಸ್ ಹಾಗೂ ಸಿದ್ದಾಪುರ ಪೊಲೀಸ್ ಠಾಣಾ ವತಿಯಿಂದ ತುಂಬು ಹೃದಯದ ಕೃತಜ್ಞತೆಗಳನ್ನು ತಿಳಿಸಿರುತ್ತಾರೆ.
