ಸಿದ್ದಾಪುರ : ತಾಲೂಕಿನ ಮನ್ಮನೆ ಸಿ.ಆರ್.ಸಿ ಯ ಐಗಳಕೊಪ್ಪ ದಲ್ಲಿ ಪೂರ್ಣಕುಂಭ ಮೂಲಕ ಮಕ್ಕಳನ್ನು ಶಾಲೆಗೆ ಸ್ವಾಗತಿಸಲಾಯಿತು
ಈ ಶಾಲೆಯು ಶಿಕ್ಷಕ ರಹಿತ ಶಾಲೆ ಆದರೂ ಸಹ ಯಾವುದೇ ಕೊರತೆ ಆಗದಂತೆ ನೂತನ ರೀತಿಯಲ್ಲಿ ಮುದ್ದು ಮಕ್ಕಳನ್ನು ಬರಮಾಡಿಕೊಂಡಿದ್ದು ಶ್ಲಾಘನೀಯ. ಜೊತೆಗೆ ಶಾಲೆಯ ಉಸ್ತುವಾರಿ ನೋಡಿಕೊಳ್ಳುತ್ತಿರುವ ಶಿಕ್ಷಕ ಎಂ.ಡಿ.ನಾಯ್ಕ ಇವರ ವಿನೂತನ ಪ್ರಯೋಗ ಇದಕ್ಕೆ ಸಾಕ್ಷಿ ಎಂದು ಶಾಲಾ ಎಸ್.ಡಿ.ಎಂ.ಸಿ ಅಧ್ಯಕ್ಷೆ ನೇತ್ರಾವತಿ ಹೇಳಿದರು ಅವರು
ಪೂರ್ಣ ಕುಂಭಸ್ವಾಗತ ಮೂಲಕ ಮಕ್ಕಳನ್ನು ಬರಮಾಡಿಕೊಂಡು ಮಕ್ಕಳಿಗೆ ಕೇಕ್ ವಿತರಣೆ ಮಾಡಿ ಮಾತನಾಡಿದರು .ಉಪಾಧ್ಯಕ್ಷ ಅಣ್ಣಪ್ಪ.ಗೊಂಡ.ಶುಭ ಕೋರಿದರು.ಅತಿಥಿ ಶಿಕ್ಷಕಿ ನೇತ್ರಾವತಿ. ನಾಯ್ಕ ಸ್ವಾಗತಿಸಿ ವಂದಿಸಿದರು. ಶಿಕ್ಷಕ ಎಂ.ಡಿ.ನಾಯ್ಕ ಪಾಲಕರ ಜವಾಬ್ದಾರಿ,ಗುಣಮಟ್ಟದ ಶಿಕ್ಷಣದ ಕುರಿತು ಮಾತನಾಡಿದರು. ಪೋಷಣ ಅಭಿಯಾನದ ಪಾರ್ವತಿ. ನಾಯ್ಕ, ಸವಿತಾ, ಭಾರತಿ ಉಪಸ್ಥಿತರಿದ್ದರು. ಮಕ್ಕಳಿಗೆ ಊಟದ ಜೊತೆ ಕೇಸರಿಬಾತ್, ಬೋಂಡಾ ವಿತರಿಸಲಾಯಿತು.
