ಸಿದ್ದಾಪುರ : ಸಿರ್ಸಿ ಸಿದ್ದಾಪುರ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ವಿಶ್ವೇಶ್ವರ ಹೆಗಡೆ ಕಾಗೇರಿ ಯವರು 2023 ರ ವಿಧಾನಸಭಾ ಚುನಾವಣೆಯಲ್ಲಿ ಸೋಲನ್ನ ಅನುಭವಿಸಿದ್ದು ಅವರು ಪಕ್ಷವನ್ನ ಸಂಘಟಿಸದೆ ನಾಯಕರುಗಳೊಂದಿಗೆ ಹೊಂದಾಣಿಕೆ ಇಲ್ಲದಿರುವುದೇ ಸೋಲಿಗೆ ಕಾರಣ ಎಂದು ಬಿಜೆಪಿ ರಾಜ್ಯ ಕಾರ್ಯಕಾರಣಿ ಸದಸ್ಯ ಕೆ. ಜಿ ನಾಯ್ಕ್ ಹಣಜಿಬೈಲ್ ಅವರು ತಮ್ಮ ಆಪ್ತ ಕಾರ್ಯಕರ್ತರೊಂದಿಗೆ ಸಭೆ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ.
ಪಕ್ಷದ ಆಪ್ತರೊಂದಿಗೆ ಪಟ್ಟಣದ ಬಾಲ ಭವನದಲ್ಲಿಸಭೆ ನಡೆಸಿ ಮಾತನಾಡಿದ್ದಾರೆ ಎಂದು ಮೂಲಗಳಿಂದ ತಿಳಿದು ಬಂದಿದೆ.
ಪಕ್ಷದ ಕೆಲವರ ಮೇಲೆ ಕಾಗೇರಿಯವರು ಪಕ್ಷದ್ರೋಹ ಕೆಲಸ ಮಾಡಿದ್ದು ಅಂತವರನ್ನು ಉಚ್ಚಾಟಿಸ ಬೇಕು ಎಂದು ಹೇಳಿಕೆ ನೀಡಿದ್ದಾರೆ ಇದು ಸಮಂಜಸವಾದದ್ದಲ್ಲ ಪಕ್ಷದ ಕಾರ್ಯಕರ್ತರ ಶ್ರಮ ದಿಂದಲೇ ಇಷ್ಟು ವರ್ಷ ಇವರು ಅಧಿಕಾರವನ್ನು ಹಿಡಿದಿದ್ದರು ಎಂಬುದನ್ನ ಅವರು ಮರೆಯಬಾರದು, ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ಈಗಿರುವ ವೈಮನಸ್ಸನ್ನು ಮರೆತು ಪಕ್ಷವನ್ನು ಸಂಘಟಿಸಿ ಅಭ್ಯರ್ಥಿಗಳ ಗೆಲುವಿಗೆ ಶ್ರಮಿಸೋಣ ಎಂದು ಕಾರ್ಯಕರ್ತರಿಗೆ ಕರೆ ನೀಡಿರುವ ಬಗ್ಗೆ ಮೂಲಗಳಿಂದ ತಿಳಿದುಬಂದಿದೆ
