ಬೆಳಗಾವಿ: ಚೀನಾದ ಕೋವಿಡ್ ರೂಪಾಂತರಿ ಬಿಎಫ್ 7 ಭೀತಿ ಹಿನ್ನೆಲೆಯಲ್ಲಿ ಇಂದು ಆರೋಗ್ಯ ಸಚಿವ ಡಾ. ಸುಧಾಕರ್ ಮತ್ತು ಕಂದಾಯ ಸಚಿವ ಆರ್.ಅಶೋಕ್ ನೇತೃತ್ವಲ್ಲಿ ಮಹತ್ವದ ಸಭೆ ನಡೆಸಿದ್ದಾರೆ.
ಸಭೆ ಬಳಿಕ ಮಾತನಾಡಿದ ಆರೋಗ್ಯ ಸಚಿವ ಡಾ.ಸುಧಾಕರ್, ಸರ್ಕಾರ ಯಾವುದೇ ನಿರ್ಬಂಧವನ್ನು ಹೇರಿಲ್ಲ. ಬದಲಿಗೆ ಎಲ್ಲರೂ ಮಾಸ್ಕ್ ಕಡ್ಡಾಯವಾಗಿ ಧರಿಸಬೇಕು ಎಂದು ಮನವಿ ಮಾಡಿಕೊಂಡರು. ಇನ್ನು ಹೊಸ ವರ್ಷದ ಸಂಭ್ರಮಾಚರಣೆಗೆ ಮತ್ತು ಶಾಲಾ ಕಾಲೇಜುಗಳಿಗೆ ಸುತ್ತೋಲೆಯನ್ನ ಹೊರಡಿಸಲು ನಿರ್ಧರಿಸಲಾಗಿದೆ. 3 ನೇ ಡೋಸ್ ಲಸಿಕೆಯನ್ನು ಪ್ರತಿಯೊಬ್ಬರು ತೆಗೆದುಕೊಳ್ಳಬೇಕು ಎಂದು ಹೇಳಿದರು
ಈ ಸಭೆಯಲ್ಲಿ ಕೋವಿಡ್ ತಾಂತ್ರಿಕ ಸಲಹಾ ಸಮಿತಿ ಸದಸ್ಯರು, ಆರೋಗ್ಯ ಇಲಾಖೆ ಅಧಿಕಾರಿಗಳು, ವಿಪತ್ತು ನಿರ್ವಹಣಾ ದಳದ ಅಧಿಕಾರಿಗಳು ಭಾಗಿಯಾಗಿದ್ದರು.
ಹೊಸ ವರ್ಷದ ಸಂಭ್ರಕ್ಕೆ ಏನು ಗೈಡ್ಲೈನ್ಸ್..?
- ರಾಜ್ಯದ್ಯಾಂತ ನ್ಯೂ ಇಯರ್ ಸೆಲೆಬ್ರೆಷನ್ಗೆ ರಾತ್ರಿ 1ಗಂಟೆ ಡೆಡ್ಲೈನ್
- ನ್ಯೂ ಇಯರ್ ಸೆಲೆಬ್ರೆಷನ್ ವೇಳೆ ಮಾಸ್ಕ್, ಸಾಮಾಜಿಕ ಅಂತರ ಕಡ್ಡಾಯ
- ಮಧ್ಯರಾತ್ರಿ 1 ಗಂಟೆ ವೇಳೆಗೆ ಎಲ್ಲ ಸೆಲೆಬ್ರೆಷನ್ ಮುಗಿಸಬೇಕು
- ರಾತ್ರಿ 1 ಗಂಟೆ ಬಳಿಕ ಪಬ್, ರೆಸ್ಟೋರೆಂಟ್ಗಳನ್ನ ಕ್ಲೋಸ್ ಮಾಡಬೇಕು
- ಪಬ್, ರೆಸ್ಟೋರೆಂಟ್ನಲ್ಲಿರುವ ಸಿಬ್ಬಂದಿಗೂ ಎರಡು ಡೋಸ್ ಲಸಿಕೆ ಕಡ್ಡಾಯ
- ಪಬ್, ರೆಸ್ಟೋರೆಂಟ್ಗೆ ಬರುವವರಿಗೂ 2 ಡೋಸ್ ಆಗಿರಬೇಕು
- ಒಳಂಗಾಣ ಕಾರ್ಯಕ್ರಮಕ್ಕೆ ಟೇಬಲ್ ಇರುವಷ್ಟೇ ಜನ ಸೇರಬೇಕು
- ಪಬ್, ಬಾರ್, ಕ್ಲಬ್, ರೆಸಾರ್ಟ್, ರೆಸ್ಟೊರೆಂಟ್ಗಳಲ್ಲಿ ಮಾಸ್ಕ್ ಹಾಕಲೇಬೇಕು
- ಸಂಭ್ರಮಾಚರಣೆ ಸ್ಥಳಗಳಲ್ಲಿ ಮಾರ್ಷಲ್ಸ್, ಪೊಲೀಸ್ ನಿಯೋಜನೆ
- ಆಯಾ ನಗರ, ಪಟ್ಟಣಗಳಲ್ಲೇ ಹೊಸ ವರ್ಷಾಚರಣೆಗೆ ಒತ್ತು
- ಹೊಸವರ್ಷ ಆಚರಣೆಗೆ ಬೆಂಗಳೂರಿಗೆ ಬರುವವರ ಮೇಲೆ ನಿಗಾ ವಹಿಸಲಾಗುವುದು
- ಪಾರ್ಟಿಯಲ್ಲಿ ಮಕ್ಕಳು, ಗರ್ಭಿಣಿಯರು ಭಾಗಿಯಾಗುವಂತಿಲ್ಲ
