ಉಡುಪಿ: ಕಾಲುವೆಯ ಹೂಳಿನಲ್ಲಿ ಸಿಲುಕಿ ಗೋವುಗಳು ಒದ್ದಾಡಿದ ಘಟನೆ ಕುಂದಾಪುರ ತಾಲೂಕು ವಕ್ವಾಡಿ ಗ್ರಾಮದಲ್ಲಿ ನಡೆದಿದೆ. ನಿರ್ಮಾಣ ಹಂತದಲ್ಲಿರುವ ವರಾಹಿ ಕಾಲುವೆಯಲ್ಲಿ ಹೂಳು ತುಂಬಿತ್ತು. ದಾಟುವ ಭರದಲ್ಲಿ ಹೂಳು ಗಮನಿಸದೇ ಗೋವುಗಳು ಕಾಲುವೆಗೆ ಇಳಿದಿವೆ.
ಕಾಲುವೆಯಲ್ಲಿ 4 ಅಡಿಗಳಿಗೂ ಹೆಚ್ಚು ಹೂಳು ತುಂಬಿತ್ತು. ಹೀಗಾಗಿ ಕಾಲುವೆ ದಾಟಲಾಗದೇ ಗೋವುಗಳು ಹೂಳಿನಲ್ಲಿ ಬಿದ್ದು ಒದ್ದಾಡಿವೆ. ಬಳಿಕ ಹೂಳಿನಲ್ಲಿ ಸಿಲುಕಿದ ಗೋವುಗಳನ್ನು ಸ್ಥಳೀಯರು ಗಮನಿಸಿದ್ದಾರೆ. ಕೂಡಲೆ ಕಾರ್ಯಚರಣೆ ನಡೆಸಿ ಹೂಳಿನಲ್ಲಿ ಮುಳುಗುತ್ತಿದ್ದ ಗೋವುಗಳನ್ನು ಸ್ಥಳೀಯರು ರಕ್ಷಿಸಿದ್ದಾರೆ. ಈ ಬಗ್ಗೆ ಕ್ರಮ ಕೈಗೊಂಡು ಹೂಳು ತೆರವು ಮಾಡುವಂತೆ ಸ್ಥಳೀಯರು ಆಗ್ರಹ ಮಾಡಿದ್ದಾರೆ.
