ಭಟ್ಕಳ: ಜಿಲ್ಲೆಯ ಸುಪ್ರಸಿದ್ಧ ಶಕ್ತಿ ಸ್ಥಳಗಳಲ್ಲಿ ಒಂದಾದ ತಾಲೂಕಿನ ಸೋಡಿಗದ್ದೆ ಶ್ರೀ ಮಹಾಸತಿ ದೇವಸ್ಥಾನದಲ್ಲಿ ಸೆ. 26 ರಿಂದ ಅ. 6 ರ ತನಕ 10 ದಿನಗಳ ಕಾಲ ನವರಾತ್ರಿ ನಡೆಯಲಿದೆ ಎಂದು ತಹಶೀಲ್ದಾರ ಹಾಗೂ ದೇವಸ್ಥಾನದ ಆಡಳಿತಾಧಿಕಾರಿಯಾದ ಡಾ. ಸುಮಂತ ಬಿಇ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ನವರಾತ್ರಿಯ 10 ದಿನಗಳು ಸಹ ನವಚಂಡಿಕಾ ಹವನ ನಡೆಯಲಿದ್ದು, ಪ್ರತಿ ದಿನವೂ 12.30 ರಿಂದ 2 ರ ತನಕ ಅನ್ನ ಸಂತರ್ಪಣೆ ಸಹ ನಡೆಯಲಿದೆ. ಭಕ್ತಾದಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಶರನ್ನವರಾತ್ರಿಯ ಉತ್ಸವದಲ್ಲಿ ಪಾಲ್ಗೊಂಡು ಮಹಾಸತಿ ದೇವಿಯ ಕೃಪೆಗೆ ಪಾತ್ರರಾಗಬೇಕಾಗಿ ವಿನಂತಿಸಿಕೊಂಡಿದ್ದಾರೆ. ಉತ್ಸವದಂದು ಅನ್ನ ಸಂತರ್ಪಣೆ ಮಾಡಲಿಚ್ಚಿಸುವ ದಾನಿಗಳು ಸೋಡಿಗದ್ದೆ ದೇವಸ್ಥಾನವನ್ನು ಸಂಪರ್ಕಿಸಬೇಕೆಂದು ಕೋರಿದ್ದಾರೆ.
