ಮುಂಡಗೋಡ: ಪಟ್ಟಣದ ಕಲಾಲ ಓಣಿಯ ಗಣೇಶೋತ್ಸವದ ಗಣಪತಿ ಮೂರ್ತಿಗಳನ್ನು ಜಿಲ್ಲಾಧಿಕಾರಿ ಮುಲೈ ಮುಹಿಲನ್ ಹಾಗೂ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸುಮನ್ ಪನ್ನೆಕರ್ ವೀಕ್ಷಿಸಿ ಮೆಚ್ಚುಗೆ ವ್ಯಕ್ತಪಡಿಸಿದರು.
ಪಟ್ಟಣಕ್ಕೆ ಭೇಟಿ ನೀಡಿದ ಅವರು ಪಟ್ಟಣದಲ್ಲಿ ಪ್ರತಿಷ್ಠಾಪಿಸಿದ ಗಣಪತಿಗಳನ್ಮು ವೀಕ್ಷಣೆ ಮಾಡಿ ದೇವರ ದರ್ಶನ ಪಡೆದು ಪ್ರಸಾದ ಸ್ವಿಕರಿಸಿದರು. ಬಳಿಕ ಕಲಾಲ ಓಣೆಯ ಗಣೇಶನ ವಿಗ್ರಹವನ್ನು ವೀಕ್ಷಿಸಿ ಆಂಜನೇಯ ಸ್ವಾಮಿಯ ಅಂಗೈನಲ್ಲಿ ಗಣಪತಿ ವಿಗ್ರಹ ನಿಂತಿರುವುದು ಕಂಡು ಮೆಚ್ಚುಗೆ ವ್ಯಕ್ತಪಡಿಸಿದರು. ಗಣಪತಿ ಮೂರ್ತಿ ತಯಾರಿಸಿದವರನ್ನು ಅಭಿನಂದಿಸಿದರು.
ನಂತರ ಗಣೇಶನ ವಿಗ್ರಹಗಳನ್ನು ವಿಸರ್ಜನೆ ಮಾಡುವ ಬಸವೇಶ್ವರ ದೇವಸ್ಥಾನದ ಹೊಂಡವನ್ನು ವೀಕ್ಷಣೆ ಮಾಡಿ ಮಾಹಿತಿ ಪಡೆದರು. ಈ ಸಂದರ್ಭದಲ್ಲಿ ಡಿಎಸ್ಪಿ ರವಿ ನಾಯ್ಕ, ಸಿಪಿಐ ಸಿದ್ದಪ್ಪ ಸಿಮಾನಿ ಹಾಗೂ ಇತರರು ಉಪಸ್ಥಿತರಿದ್ದರು.
