ಬೆಂಗಳೂರು, ಜುಲೈ 26: ರಾಜ್ಯದ ವೈದ್ಯಕೀಯ ತುರ್ತು ಸೇವೆ ‘108 ಆರೋಗ್ಯ ಕವಚ’ ಅಂಗಳದಲ್ಲಿ ಬಿರುಕು ಕಾಣಿಸಿಕೊಂಡಿದೆ. ಇದೀಗ, ಈ ಸೇವೆಯ ನೌಕರರು ಸರ್ಕಾರದ ವಿರುದ್ಧ ಎಚ್ಚರಿಕೆಗೆ ಇಳಿದಿದ್ದಾರೆ. ಆಗಸ್ಟ್ 1ರಿಂದ ಮುಷ್ಕರ ಮಾಡುವುದಾಗಿ ನೌಕರರು ಎಚ್ಚರಿಕೆ ನೀಡಿದ್ದಾರೆ.
ಈವರೆಗೆ ಜೀವಿಕೆ ಖಾಸಗಿ ಸಂಸ್ಥೆ 108 ಆಂಬುಲೆನ್ಸ್ ಸೇವೆಯನ್ನು ನಿರ್ವಹಿಸುತ್ತಿತ್ತು. ಆದರೆ ಇದೀಗ ಆರೋಗ್ಯ ಇಲಾಖೆ ಸೇವೆಯ ನೇರ ನಿರ್ವಹಣೆಗೆ ಮುಂದಾಗಿದ್ದು, ಈ ತೀರ್ಮಾನದ ಹಿನ್ನೆಲೆಯಲ್ಲಿ 3500ಕ್ಕೂ ಹೆಚ್ಚು ನೌಕರರ ಭವಿಷ್ಯ ಅತುತಿರುವ ಸ್ಥಿತಿಯಾಗಿದೆ. ನೌಕರರ ಮುಂದುವರಿಕೆ ಬಗ್ಗೆ ಯಾವುದೇ ಸ್ಪಷ್ಟತೆ ಇಲ್ಲದೇ ಅವರ ಅಸಮಾಧಾನ ತೀವ್ರಗೊಂಡಿದೆ.
ನೌಕರರ ಪ್ರಮುಖ ಬೇಡಿಕೆಗಳು ಮತ್ತು ಸಮಸ್ಯೆಗಳು:
- 2 ಪಾಳಿಯಿಂದ 3 ಪಾಳಿ ವ್ಯವಸ್ಥೆ ಅನಾಯಾಸವಾಗಿ ಜಾರಿಗೆ ತಂದಿದ್ದು, ಅದು ಅವೈಜ್ಞಾನಿಕ.
- ಗ್ರಾಮೀಣ ಪ್ರದೇಶದ ಸಿಬ್ಬಂದಿಗೆ ಸಾರಿಗೆ ಸೌಲಭ್ಯದ ಕೊರತೆ.
- ಮಹಿಳಾ ನೌಕರರಿಗೆ ಸುರಕ್ಷತೆ ಹಾಗೂ ಅನುಕೂಲಗಳ ಕೊರತೆ.
- ಹೊಸ ಆಂಬುಲೆನ್ಸ್ ನಿರ್ವಹಣೆ ಯುಕ್ತಿಯಿಲ್ಲದ ರೀತಿಯಲ್ಲಿ ನಡೆಯುತ್ತಿದೆ.
- ಜಿಲ್ಲಾ ಮಟ್ಟದ ಏಜೆನ್ಸಿಗಳ ಮೂಲಕ ನೇಮಕಾತಿಗೆ ವಿರೋಧ.
- ಒಂದೇ ಸಂಸ್ಥೆ ಮೂಲಕ ನೌಕರರ ನಿರ್ವಹಣೆ ಆಗಬೇಕೆಂಬ ಒತ್ತಾಯ.
- ಪ್ರಸ್ತುತ ಕಾರ್ಯನಿರ್ವಹಿಸುತ್ತಿರುವ ಎಲ್ಲ ನೌಕರರನ್ನೂ ಮುಂದುವರೆಸಬೇಕು.
ಮುಖ್ಯ ಆರೋಪ:
ಸರ್ಕಾರ ಬದಲಾಗುತ್ತಿದೆ, ಆದರೆ ಆಂಬುಲೆನ್ಸ್ ನೌಕರರ ಸಮಸ್ಯೆಗಳು ಬದಲಾಗಿಲ್ಲ ಎಂಬ ಆಕ್ರೋಶ ಗಟ್ಟಿಯಾಗಿ ಕೇಳಿಬರುತ್ತಿದೆ. ಸಾರ್ವಜನಿಕ ಆರೋಗ್ಯಕ್ಕಾಗಿ ಅತ್ಯಾವಶ್ಯಕವಾಗಿರುವ ಈ ಸೇವೆಯಲ್ಲಿ ನಿರಂತರ ಅಸಮಾಧಾನವಿದ್ದು, ಆರೋಗ್ಯ ಇಲಾಖೆ ಪರ್ಯಾಯ ವ್ಯವಸ್ಥೆಗಳ ರೂಪುರೇಷೆಯನ್ನು ಸ್ಪಷ್ಟಪಡಿಸಿಲ್ಲ.
ಈ ಹಿನ್ನೆಲೆಯಲ್ಲಿ – ಜನಸಾಮಾನ್ಯರಿಗೆ ಯಾವುದೇ ತೊಂದರೆ ಆಗದಂತೆ ಆರೋಗ್ಯ ಇಲಾಖೆ ಸೂಕ್ತ ತೀರ್ಮಾನ ತೆಗೆದುಕೊಳ್ಳಬಹುದೇ? ಮುಷ್ಕರ ತಪ್ಪಿಸಬಹುದೇ? ಎಂಬುದನ್ನು ಕಾದು ನೋಡಬೇಕಿದೆ.
