ಜೂನಿಯರ್ ಎನ್ಟಿಆರ್ ನಟನೆಯ ‘ದೇವರ 2’ ಚಿತ್ರದ ಚಿತ್ರೀಕರಣ ಕರ್ನಾಟಕದ ಕುಮಟಾದಲ್ಲಿ ಆರಂಭವಾಗಲಿದೆ. ಬೃಹತ್ ಸೆಟ್ ನಿರ್ಮಾಣ ಕಾರ್ಯ ಪೂರ್ಣಗೊಳ್ಳುತ್ತಿದ್ದು, ಸಮುದ್ರ ತೀರದಲ್ಲಿ ಚಿತ್ರೀಕರಣ ನಡೆಯಲಿದೆ. ಮೊದಲು ಶ್ರೀಲಂಕಾದಲ್ಲಿ ಚಿತ್ರೀಕರಣದ ಯೋಜನೆ ಇತ್ತು. ಕನ್ನಡ ಕಲಾವಿದರಿಗೂ ಅವಕಾಶ ದೊರೆಯಲಿದೆ ಎಂದು ಫ್ಯಾನ್ಸ್ ಬಯಸುತ್ತಿದ್ದಾರೆ.
ಎಲ್ಲಿಯ ಟಾಲಿವುಡ್ ಎಲ್ಲಿಯ ಕುಮಟಾ ? ಆದಾಗ್ಯೂ ಟಾಲಿವುಡ್ನ ಒಂದು ದೊಡ್ಡ ಸಿನಿಮಾ ತಂಡ ಕುಮಟಾದಲ್ಲಿ ಬೀಡು ಬಿಡಲು ಸಿದ್ಧವಾಗಿದೆ. ಅದುವೇ ಜೂನಿಯರ್ ಎನ್ಟಿಆರ್ ನಟನೆಯ ‘ದೇವರ’ ತಂಡ. ಹೌದು, ‘ದೇವರ ಪಾರ್ಟ್ 1’ ಹಿಟ್ ಆದ ಬಳಿಕ ಈಗ ತಂಡ ‘ದೇವರ 2’ ಶೂಟ್ಗೆ ರೆಡಿ ಆಗಿದೆ. ಇದಕ್ಕೆ ಉತ್ತರ ಕನ್ನಡದ ಕುಮಟಾದಲ್ಲಿ ಬೃಹತ್ ಸೆಟ್ಗಳ ನಿರ್ಮಾಣ ಮಾಡಲಾಗುತ್ತಿದೆ. ಶೀಘ್ರವೇ ತಂಡದವರು ಇಲ್ಲಿ ಬೀಡು ಬಿಡಲಿದ್ದಾರೆ ಎನ್ನುವ ಮಾಹಿತಿ ಲಭ್ಯವಾಗಿದೆ.
‘ದೇವರ’ ಸಿನಿಮಾದ ಕಥೆ ಸಾಗೋದು ಸಮುದ್ರ ತೀರದಲ್ಲಿ. ಇನ್ಯಾವುದೇ ಬೇರೆ ರೀತಿಯ ಸೆಟ್ಗಳು ಬೇಕು ಎಂದಿದ್ದರೆ ತಂಡದವರು ಹೈದರಾಬಾದ್ನಲ್ಲಿರುವ ರಾಮೋಜಿ ಫಿಲ್ಮ್ ಸಿಟಿಯಲ್ಲೇ ಸೆಟ್ ಹಾಕಿ ಶೂಟ್ ಮಾಡುತ್ತಿದ್ದರು. ಸಮುದ್ರ ತೀರದಲ್ಲೇ ಶೂಟ್ ಮಾಡಬೇಕಾದ ಅನಿವಾರ್ಯತೆ ಇರುವುದರಿಂದ ತಂಡ ಕುಮಟಾ ನಗರವನ್ನು ಆಯ್ಕೆ ಮಾಡಿಕೊಂಡಿದೆ ಎಂದು ಹೇಳಲಾಗುತ್ತಿದೆ.
ಈ ಮೊದಲು ‘ದೇವರ 2’ ಶೂಟ್ ಮಾಡಲು ಶ್ರೀಲಂಕಾಗೆ ತೆರಳಲು ತಂಡ ಪ್ಲ್ಯಾನ್ ಮಾಡಿಕೊಂಡಿತ್ತು. ಆದರೆ, ಸಿನಿಮಾಗೆ ಹೆಚ್ಚಿನ ಬಜೆಟ್ ಬೇಕಾಗುತ್ತದೆ. ನಮ್ಮ ದೇಶದಲ್ಲೇ ಇಷ್ಟೊಂದು ಸಮುದ್ರ ತೀರಗಳು ಇರುವಾಗ ಬೇರೆ ದೇಶ ಏಕೆ? ಹೀಗಾಗಿ, ಉತ್ತರ ಕನ್ನಡದ ಕುಮಟಾದಲ್ಲಿ ಸೆಟ್ ನಿರ್ಮಾಣ ಕಾರ್ಯ ಭರದಿಂದ ಸಾಗಿದೆ. ಜೂನಿಯರ್ ಎನ್ಟಿಆರ್ಗೆ ಕರ್ನಾಟಕದ ಪ್ರಶಾಂತ್ ನೀಲ್, ರಿಷಬ್ ಶೆಟ್ಟಿ ಜೊತೆ ಒಳ್ಳೆಯ ಗೆಳೆತನ ಇದೆ. ಇವರು ಕೂಡ ಇಲ್ಲಿ ಸೆಟ್ ನಿರ್ಮಾಣ ಮಾಡಲು ಸಲಹೆ ನೀಡಿರಬಹುದೇ ಎನ್ನುವ ಪ್ರಶ್ನೆಯೂ ಮೂಡಿದೆ.
ಕುಮಟಾ ತುಂಬಾನೇ ಬೃಹತ್ ನಗರವೇನಲ್ಲ. ಹೀಗಾಗಿ, ಅಲ್ಲಿನ ಬೀಚ್ಗಳಲ್ಲಿ ಸೆಟ್ಗಳ ನಿರ್ಮಾಣ ಆದರೆ ತುಂಬಾನೇ ಅಭಿಮಾನಿಗಳು ನೆರೆಯುತ್ತಾರೆ ಎನ್ನುವ ತಲೆಬಿಸಿ ಕೂಡ ಇರುವುದಿಲ್ಲ. ಈ ಕಾರಣಕ್ಕೆ ಉತ್ತರ ಕನ್ನಡ ಉತ್ತಮ ಆಯ್ಕೆ ಎಂಬ ನಿರ್ಧಾರಕ್ಕೆ ತಂಡದವರು ಬಂದಂತೆ ಇದೆ.
‘ದೇವರ’ ಚಿತ್ರದಲ್ಲಿ ಜೂನಿಯರ್ ಎನ್ಟಿಆರ್, ಜಾನ್ವಿ ಕಪೂರ್, ಸೈಫ್ ಅಲಿ ಖಾನ್, ಪ್ರಕಾಶ್ ರೈ ಮೊದಲಾದವರು ನಟಿಸಿದ್ದಾರೆ. ಎರಡನೇ ಭಾಗದಲ್ಲಿ ಯಾರಾದರೂ ಬೇರೆ ಕಲಾವಿದರು ಸೇರ್ಪಡೆ ಆಗುತ್ತಾರಾ ಎನ್ನುವ ಪ್ರಶ್ನೆ ಮೂಡಿದೆ. ಕರ್ನಾಟಕದಲ್ಲೇ ಶೂಟ್ ಆಗುತ್ತಿರುವುದರಿಂದ ಕನ್ನಡದ ಕಲಾವಿದರಿಗೂ ಅವಕಾಶ ಸಿಗಲಿ ಎಂದು ಫ್ಯಾನ್ಸ್ ಬಯಸುತ್ತಾ ಇದ್ದಾರೆ.
Related posts:
ಗರ್ಭಿಣಿ ಗೋವಿನ ಭೀಕರ ಹತ್ಯೆ ಪ್ರಕರಣ- ಘಟನಾ ಸ್ಥಳಕ್ಕೆ ಭೇಟಿ ನೀಡಿದ ಎಸ್ಪಿ ನಾರಾಯಣ
ಬೆಳಗ್ಗೆ ನುಡಿಸಿರಿ ವರದಿ- ಸಂಜೆ ಹೊತ್ತಿಗೆ ಹೊಂಡ ಮುಚ್ಚಿದ ಅಧಿಕಾರಿಗಳು
5 ವರ್ಷದ ಹಿಂದೆ ಕೊಚ್ಚಿ ಹೋದ ತೂಗು ಸೇತುವೆ ಪರ್ಯಾಯ ವ್ಯವಸ್ಥೆ ಇಲ್ಲ, 7ಗ್ರಾಮಗಳ ಜನರ ನರಕ ಯಾತನೆ ಕೇಳೊರ್ಯಾರು ?
ಪುರಾಣ ಪ್ರಸಿದ್ಧ ಗೋಕರ್ಣಕ್ಕೆ ಕುಟುಂಬ ಸಮೇತ ಬಂದು ಪೂಜೆ ಸಲ್ಲಿಸಿದ ಡಿವೈನ್‌ ಸ್ಟಾರ್ ರಿಷಬ್ ಶೆಟ್ಟಿ