ಮದುವೆ ಮನೆಯಲ್ಲಿ ಮೂವರಿಂದ ವ್ಯಕ್ತಿ ಮೇಲೆ ಹಲ್ಲೆ, ಜೀವ ಬೆದರಿಕೆ- ಭಟ್ಕಳ ಪೋಲಿಸ್ ‌ಠಾಣೆಯಲ್ಲಿ ಪ್ರಕರಣ ದಾಖಲು

ಭಟ್ಕಳ : ಮದುವೆ ಮನೆಯಲ್ಲಿ ವ್ಯಕ್ತಿಯೋರ್ವನ ಮೇಲೆ ಮೂವರು ಹಲ್ಲೆ ನಡೆಸಿ, ಜೀವ ಬೆದರಿಕೆ ಹಾಕಿರುವ ಬಗ್ಗೆ ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಹನುಮಾನ ನಗರದ ರವಿ ಗೋವಿಂದ ನಾಯ್ಕ (39) ಎಂಬುವವರು ಈ ಕುರಿತು ಪ್ರಕರಣ ದಾಖಲಿಸಿದ್ದಾರೆ. ತಾಲೂಕಿನ ತಲಗೋಡ ಕೋಟೆಮನೆಯ ಶರತ ರಾಮಚಂದ್ರ ನಾಯ್ಕ ಸುರೇಶ ನಾಗಪ್ಪ ನಾಯ್ಕ ಮತ್ತು ಹರ್ಷ ಮಂಜುನಾಥ ನಾಯ್ಕ ಅವರ ವಿರುದ್ಧ ರವಿ ದೂರು ದಾಖಲಿಸಿದ್ದಾರೆ. ಪಿರ್ಯಾದಿ ರವಿಯ ಹೆಂಡತಿಯ ತಮ್ಮನಾದ ಗಣಪತಿ ಶಂಕರ ನಾಯ್ಕ ಹಲ್ಲೆಗೊಳಗಾದವರು. ಇವರೊಂದಿಗೆ ಆರೋಪಿ ಶರತ ನಾಯ್ಕ ತನ್ನ ಅಕ್ಕನ ವಿಚಾರದಲ್ಲಿ ದ್ವೇಷ ಹೊಂದಿದ್ದರು ಎಂದು ದೂರಿನಲ್ಲಿ ತಿಳಿಸಲಾಗಿದೆ.

ಅ23ರಂದು ಸಂಬಂಧಿ ವಿಷ್ಣು ನಾಯ್ಕ ಎಂಬುವವರ ಮದುವೆ ಮಾರನೇ ದಿನದ ಊಟದ ಕಾರ್ಯಕ್ರಮದಲ್ಲಿ ಶರತ ಮತ್ತಿಬ್ಬರು ಆರೋಪಿತರು ಬಂದಿದ್ದರು. ರಾತ್ರಿ 11.45ರ ಸುಮಾರಿಗೆ ಏಕಾಏಕಿ ಗಣಪತಿ ಅವರ ಮೇಲೆ ಮೂವರೂ ಆರೋಪಿಗಳು ಹಲ್ಲೆ ನಡೆಸಿದ್ದಾರೆ. ಆರೋಪಿ ಶರತ ಅವಾಚ್ಯ ಶಬ್ದಗಳಿಂದ ನಿಂದಿಸಿ ರೀಪಿನಿಂದ ತಲೆಯ ಮೇಲೆ ಹೊಡೆದು ಗಾಯಪಡಿಸಿದ್ದಾರೆ. ಇನ್ನಿಬ್ಬರು ಆರೋಪಿತರು ಕೂಡ ಕೈಯಿಂದ ಹಲ್ಲೆ ಮಾಡಿದ್ದಾರೆ. ಅಷ್ಟರಲ್ಲಿ ಗಣಪತಿ ಮತ್ತು ರಾಘವ ಎಂಬಿಬ್ಬರು ಜಗಳ ತಪ್ಪಿಸಿದ್ದಾರೆ. ಈ ದಿನ ತಪ್ಪಿಸಿಕೊಂಡೆ ಇನ್ನೊಮ್ಮೆ ಸಿಕ್ಕಾಗ ಬಿಡುವುದಿಲ್ಲ ಎಂದು ಆರೋಪಿ ಶರತ್‌ಗೆ ಜೀವ ಬೆದರಿಕೆ ಹಾಕಿರುವುದಾಗಿಯೂ ದೂರಿನಲ್ಲಿ ಆರೋಪಿಸಲಾಗಿದೆ.

ಇನ್ನೂ ಪ್ರಕರಣ ದಾಖಲಿಸಿಕೊಂಡಿರುವ ಭಟ್ಕಳ ಠಾಣೆ ಪೋಲಿಸರು ಪರಿಶೀಲನೆ ನಡೆಸುತಿದ್ದಾರೆ..

Related posts:

ಸಮುದ್ರದಲ್ಲಿ ಮುಳುಗಿ ಬೆಂಗಳೂರು ಮೂಲದ ವಿದ್ಯಾರ್ಥಿ ಸಾ*** ಕಾರವಾರದಲ್ಲಿ ಉದ್ಯಮಿಯ ಬರ್ಬರ ಹತ್ಯೆ ವಲಯ ಮಟ್ಟದಪ್ರೌಢಶಾಲಾ ಕ್ರೀಡಾಕೂಟ- ಭಟ್ಕಳದ ಆನಂದ್ ಆಶ್ರಮ ಕಾನ್ವೆಂಟ್ ಪ್ರೌಢಶಾಲೆಗೆ ವಿರಾಗ್ರಣಿ ಪ್ರಶಸ್ತಿ ಭಾರಿ ಗಾಳಿಮಳೆಯ ಪರಿಣಾಮ ಮುಂಡಳ್ಳಿ ಯ ಆಶಾ ಶ್ರೀಧರ ಮೋಗೆರ ರವರ ಮನೆ ಮತ್ತು ದೋಣಿಯ ಮೇಲೆ ಮರ ಬಿದ್ದು ಹಾನಿ- ಎಸ್.ಕೆ.ಡಿ.ಆರ್.ಪಿ (ರಿ) ಅವರಿಂದ ಆರ್ಥಿಕ ಧನ ಸಹಾಯ