ಮುಂಡಗೋಡ: ತಾಲೂಕಿನ ಸನವಳ್ಳಿ ಗ್ರಾಮದಲ್ಲಿ ಪ್ರತಿಷ್ಠಾಪನೆಗೊಳ್ಳಲಿರುವ ‘ಸಂಗೊಳ್ಳಿ ರಾಯಣ್ಣ’ ನೂತನ ಮೂರ್ತಿಗೆ ಕುರುಬ ಸಮಾಜ ಮತ್ತು ಸಾರ್ವಜನಿಕರು ಪಟ್ಟಣದ ಮಾರಿಕಾಂಬಾ ದೇವಸ್ಥಾನದಲ್ಲಿ ಗುರುವಾರ ಪೂಜೆ ಸಲ್ಲಿಸಿದರು. ಬಳಿಕ ಸವದತ್ತಿಯಿಂದ ತಂದ ಈ ವಿಶೇಷ ಮೂರ್ತಿಯನ್ನು ಡೊಳ್ಳು ವಾದ್ಯದ ಮೂಲಕ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ನಡೆಸಿ ಸನವಳ್ಳಿ ಗ್ರಾಮಕ್ಕೆ ತೆಗೆದುಕೊಂಡು ಹೋದರು.
ಈ ಸಂದರ್ಭದಲ್ಲಿ ಕುರುಬ ಸಮಾಜದ ತಾಲೂಕು ಅಧ್ಯಕ್ಷ ಜಗದೀಶ ಕುರುಬರ, ರಾಜು ಗುಬ್ಬಕ್ಕನವರ, ಮಂಜು ಕೋಣನಕೇರಿ, ಪ್ರಕಾಶ ಹುದ್ಲಮನಿ, ಸಂತೋಷ ಸಣ್ಣಮನಿ, ಪ್ರವೀಣ ಹುಲಗೂರ, ಬಸವರಾಜ ಠನಕೆದಾರ, ಪೀರಜ್ಜ ಸಾಗರ, ಶಿವಾನಂದ ಕುರುಬರ, ಸಂತೋಷ ತಳವಾರ ಹಾಗೂ ಮುಂತಾದವರು ಉಪಸ್ಥಿತರಿದ್ದರು.
