ಉತ್ತರ ಕನ್ನಡ, ಜೂ.20: ರಾಜ್ಯ ಸರ್ಕಾರ ಪೆಟ್ರೋಲ್, ಡಿಸೇಲ್ ಮೇಲಿನ ತೆರಿಗೆ ಹೆಚ್ಚಳದಿಂದ ಪೆಟ್ರೋಲ್ ನೂರರ ಗಡಿ ದಾಟಿದೆ. ಇನ್ನು ಡಿಸೇಲ್ ಕೂಡ ಗೋವಾ ರಾಜ್ಯಕ್ಕಿಂತ ಹೆಚ್ಚಾಗಿದ್ದು, ವಾಹನ ಸವಾರರ ಜೇಬು ಬಿಸಿ ಮಾಡುತ್ತಿದೆ. ಆದ್ರೆ, ಗೋವಾ ಗಡಿಗೆ ಹೊಂದಿಕೊಂಡಿರುವ ಉತ್ತರ ಕನ್ನಡ ಜಿಲ್ಲೆಯ ಕಾರವಾರದಲ್ಲಿ ಸಸ್ತಾ ಗೋವಾ ಮದ್ಯದ ಜೊತೆ ಅತೀ ಕಡಿಮೆ ಬೆಲೆಯಲ್ಲಿ ಸಿಗುವ ಪೆಟ್ರೋಲ್ಗೆ ಮುಗಿ ಬೀಳುತಿದ್ದಾರೆ.
ಉತ್ತರ ಕನ್ನಡ ಜಿಲ್ಲೆಯ ಕಾರವಾರ ಗೋವಾಕ್ಕೆ ಸಮೀಪವೇ ಇದ್ದು, ಕಾರವಾರದಿಂದ 15 ಕಿಲೋಮೀಟರ್ ಕ್ರಮಿಸಿದರೇ ಗೋವಾ ರಾಜ್ಯದ ಪೆಟ್ರೋಲ್ ಬಂಕ್ಗಳು ಸಿಗುತ್ತವೆ. ಹೀಗಾಗಿ ಕಾರವಾರದ ಜನ ಇದೀಗ ಕರ್ನಾಟಕದಲ್ಲಿ ಪೆಟ್ರೋಲ್ ,ಡಿಸೇಲ್ ಹಾಕಿಸುವ ಬದಲು ನೇರ ಗೋವಾಕ್ಕೆ ತೆರಳಿ ಪೆಟ್ರೋಲ್, ಡಿಸೇಲ್ಗಳನ್ನು ವಾಹನಕ್ಕೆ ಟ್ಯಾಂಕ್ ಫುಲ್ ಮಾಡಿಸಿಕೊಂಡು, ಲೀಟರ್ ಗಟ್ಟಲೇ ಕ್ಯಾನ್ಗಳಲ್ಲಿ ತುಂಬಿಸಿಕೊಂಡು ಮರಳುತಿದ್ದಾರೆ. ಇದರಿಂದ ಗೋವಾ ಭಾಗದಲ್ಲಿರುವ ಪೆಟ್ರೋಲ್ ಬಂಕ್ಗಳಿಗೆ ಹೆಚ್ಚಿನ ಲಾಭವಾಗುತಿದ್ದು, ಭರ್ಜರಿ ವ್ಯಾಪಾರವಾಗುತ್ತಿದೆ.
ಇನ್ನು ಕಾರವಾರದ ವಾಹನ ಸವಾರರು ಗೋವಾಕ್ಕೆ ತೆರಳುತ್ತಿರುವುದರಿಂದ ಕಾರವಾರದಲ್ಲಿ ಪೆಟ್ರೋಲ್ ಬಂಕ್ಗಳು ಖಾಲಿ ಹೊಡೆಯುತ್ತಿವೆ. ಕರ್ನಾಟಕದಲ್ಲಿ ಮದ್ಯದ ದರ ಹೆಚ್ಚು,ಇದೀಗ ಪೆಟ್ರೋಲ್ ದರ ಕೂಡ ಹೆಚ್ಚಾಗಿದೆ. ಈ ಹಿಂದೆ ಗಡಿ ಭಾಗದ ಕಾರವಾರದ ಜನತೆ, ಗೋವಾ ಮದ್ಯವನ್ನು ಮಾತ್ರ ಅಕ್ರಮವಾಗಿ ತಂದು ಬೇರೆಡೆ ಮಾರಾಟ ಮಾಡುತಿದ್ದರು. ಆದ್ರೆ, ಇದೀಗ ಗೋವಾ ಮದ್ಯದ ಜೊತೆ ಅಕ್ರಮವಾಗಿ ಕ್ಯಾನ್ಗಳಲ್ಲಿ ಪೆಟ್ರೋಲ್ ,ಡಿಸೇಲ್ಗಳು ಗೋವಾ ಗಡಿ ದಾಟಿ ಕರ್ನಾಟಕ ಭಾಗಕ್ಕೆ ತರಲಾಗುತ್ತಿದೆ.
ದರ ವ್ಯತ್ಯಾಸ ಎಷ್ಟು?
ಇನ್ನು ಕಾರವಾರದಲ್ಲಿ ಪೆಟ್ರೋಲ್ – 104.70, ಡಿಸೇಲ್ 90.57 ದರವಿದೆ. ಪವರ್ ಪೆಟ್ರೋಲ್ ಗೆ .111.2 ದರವಿದೆ. ಆದ್ರೆ, ಗೋವಾದಲ್ಲಿ ಪೆಟ್ರೋಲ್ 95.73 ರೂ. ಇನ್ನು ಡಿಸೇಲ್ ಗೆ 88.26 ದರವಿದ್ದರೇ, ಪವರ್ ಡಿಸೇಲ್ಗೆ 102 .24 ದರವಿದೆ. ಎರಡು ದರ ತುಲನೆ ಮಾಡಿದ್ರೆ, ಗೋವಾದಲ್ಲಿ ಪೆಟ್ರೋಲ್ -8.97 , ಪವರ್ ಪೆಟ್ರೋಲ್-8.96, ಡೀಸೆಲ್ 2.29 ದರ ಕರ್ನಾಟಕ ದರಕ್ಕಿಂತ ಕಡಿಮೆಯಿದೆ. ಹೀಗಾಗಿ ಗೋವಾ ಗಡಿಯ ಸಮೀಪದ ಜನ ಈ ಭಾಗಕ್ಕೆ ಬಂದು ತಮ್ಮ ವಾಹನಕ್ಕೆ ಇಂಧನ ತುಂಬಿಸಿಕೊಂಡು ಹೋಗುತಿದ್ದಾರೆ.
ಗೋವಾದಲ್ಲಿ ಕಡಿಮೆ ದರ ಇದೆ. ನಮ್ಮಲ್ಲಿ ಹೆಚ್ಚು ಹೀಗಾಗಿ ಇಲ್ಲಿಗೆ ಬಂದು ಇಂಧನ ತುಂಬಿಸಿಕೊಂಡು ಹೋಕ್ತೀವಿ ಇದರಿಂದ ನಮಗೆ ಉಳಿತಾಯ ಆಗ್ತಿದೆ ಅಂತಾರೆ ಕರ್ನಾಟಕ ಭಾಗದ ಜನ. ಸದ್ಯ ಕರ್ನಾಟಕದಲ್ಲಿ ಇಂಧನ ಬೆಲೆ ಹೆಚ್ಚಾಗುತಿದ್ದಂತೆ ಇದೀಗ ಕಾರವಾರದ ಜನ ಗೋವಾದತ್ತ ಮುಖ ಮಾಡಿದ್ದಾರೆ. ಮದ್ಯದ ಜೊತೆ ಇಂಧನವನ್ನೂ ಹೊತ್ತು ತರುತಿದ್ದು, ರಾಜ್ಯದ ದರ ಬಿಸಿಯ ಬೀಸುವ ದೊಣ್ಣಿಯಿಂದ ತಪ್ಪಿಸಿಕೊಳ್ಳುತಿದ್ದಾರೆ.
Related posts:
ಐತಿಹಾಸಿಕ ಕಡವಾಡದ ನಂದವಾಳದಲ್ಲಿ ವಿಜಯ ದಿವಸ ಆಚರಿಸಿದ ರಾಜ್ಯ ಬಿಜೆಪಿ ಉಪಾಧ್ಯಕ್ಷೆ ರೂಪಾಲಿ ಎಸ್. ನಾಯ್ಕ
ಹಳಿಯಾಳದಲ್ಲಿ ಮೋದಿ ಮತ್ತೊಮ್ಮೆ ಗೋಡೆ ಬರಹ ಅಭಿಯಾನಕ್ಕೆ ಚಾಲನೆ ನೀಡಿದ ರೂಪಾಲಿ ಎಸ್. ನಾಯ್ಕ
ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ಬಂದ ಮೇಲೆ ಗೂಂಡಾಗಿರಿ ನಡೆಯುತ್ತಿದೆ- ಸ್ಥಳೀಯ ಶಾಸಕರ ವಿರುದ್ಧ ಕಿಡಿಕಾರಿದ ಮಾಜಿ ಶಾಸಕಿ ರೂಪಾಲಿ ನಾಯ್ಕ
KPSC ಪರೀಕ್ಷೆಯಲ್ಲಿ ತಾಳಿ, ಕಾಲುಂಗುರ ತೆಗಿಸಿದ್ದು ಖಂಡನೀಯ – ಮಹಿಳೆಯರ ಮೇಲೆ ಮಾನಸಿಕ ದೌರ್ಜನ್ಯ-ನ್ಯಾಯಾಲಯ ಮೆಟ್ಟಿಲೇರಲು ನಿರ್ಧಾರ-ರೂಪಾಲಿ ನಾಯ್ಕ