ಭಟ್ಕಳ : ಭಟ್ಕಳದ ಬಸ್ ನಿಲ್ದಾಣದಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಮಂಕಾಳ್‌ ವೈದ್ಯ ಅವರು ಮುರುಡೇಶ್ವರ-ಭಟ್ಕಳ.. ಶಿವಮೊಗ್ಗ- ಬೆಂಗಳೂರಿಗೆ ತೆರಳುವ ಕೆಎಸ್‌ಆರ್‌ಟಿಸಿಯ 2 ಪಲ್ಲಕ್ಕಿ ಬಸ್‌ಗಳಿಗೆ ಚಾಲನೆ ನೀಡಿದ್ರು..
ಪ್ರತಿದಿನ ರಾತ್ರಿ ಭಟ್ಕಳ ಬಸ್ ನಿಲ್ದಾಣದಿಂದ ಮುರುಡೇಶ್ವರಕ್ಕೆ ಹೊರಟು ಅಲ್ಲಿಂದ 7.15ಕ್ಕೆ ಪ್ರಯಾಣಿಕರನ್ನು ಹೊತ್ತು ಪುನಃ ಭಟ್ಕಳಕ್ಕೆ ಬಂದು ರಾತ್ರಿ 7.45 ಕ್ಕೆ ಭಟ್ಕಳದಿಂದ ಬೈಂದೂರು ಮಾರ್ಗವಾಗಿ ಕೊಲ್ಲೂರಿಗೆ ತೆರಳಿ, ಅಲ್ಲಿಂದ ರಾತ್ರಿ 9 ಗಂಟೆಗೆ ಬೆಂಗಳೂರಿಗೆ ತೆರಳಲಿದೆ. ಅದೇ ಇನ್ನೊಂದು ಬಸ್ ರಾತ್ರಿ 7.15ಕ್ಕೆ ಬೆಂಗಳೂರಿನಿಂದ ಹೊರಟು ಭಟ್ಕಳಕ್ಕೆ ಬರಲಿದೆ…
ಈ ವೇಳೆ ಮಾತನಾಡಿದ ಮಂಕಾಳ್‌ ವೈದ್ಯ ಅವರು, ಬಿಜೆಪಿ ಸರ್ಕಾರವಿದ್ದಾಗ 4 ವರ್ಷದಿಂದ ಒಂದೇ ಒಂದು ಬಸ್ ಬಿಡುಗಡೆಯಾಗಲಿಲ್ಲ. ಇರುವ ಬಸ್‌ಗಳನ್ನು ಎಲ್ಲಾ ಮಾರಿದ್ದಾರೆ. ಯಾವುದು ಬಸ್ ಇಲ್ಲ. ಬೆಂಗಳೂರು, ಮಂಗಳೂರ ಬಸ್ ಮಾತ್ರವಲ್ಲ. ಹಳ್ಳಿ ಹಳ್ಳಿಗೆ ಹೋಗುವ ಬಸ್ ನಿಲ್ಲಿಸಿದ್ರು. 5 ಸಾವಿರ ಬಸ್‌ಗಳನ್ನು ಆರ್ಡರ್‌ ಮಾಡಿದ್ದೇವೆ ಆದ್ರೆ ಇನ್ನು ರೆಡೆಯಾಗಿ ಬಂದಿಲ್ಲ. ಭಟ್ಕಳದಲ್ಲಿ ಸಾರಿಗೆ ಸಿಬ್ಬಂದಿಗಳ ಕೊರತೆಯಿತ್ತು. ಹೊಸ ಬಸ್‌ಗಳು ಬಂದ ಹಾಗೆ ನೌಕರರನ್ನು ನೇಮಿಸಿಕೊಳ್ಳಲಾಗುವುದು. ಶಾಲಾ ಮಕ್ಕಳಿಗೆ ಹಾಗೂ ಸಾರ್ವಜನಿಕರಿಗೆ ಯಾವುದೇ ತೊಂದರೆಯಾಗದ ರೀತಿಯಲ್ಲಿ ಹಳ್ಳಿ ಹಳ್ಳಿಗೂ ಬಸ್ ಬಿಡುವ ಸೌಲಭ್ಯ ನೀಡಲಾಗುವುದು ಎಂದು ಹೇಳಿದ್ರು..
ಭಟ್ಕಳದ ಬಸ್ ನಿಲ್ದಾಣದಲ್ಲಿ 2 ಪಲ್ಲಕ್ಕಿ ಬಸ್‌ಗಳನ್ನು ಮದುಮಗಳಂತೆ ಶೃಂಗರಿಸಲಾಗಿತ್ತು. ಈ ಬಸ್ ಮುರುಡೇಶ್ವರ-ಭಟ್ಕಳ- ಶಿವಮೊಗ್ಗ-ಬೆಂಗಳೂರಿಗೆ ತೆರಳುವ ಪ್ರಯಾಣಿಕರಿಗೆ ಅನುಕೂಲವಾದಂತಾಗಿದೆ. ಈ ವೇಳೆ ವಿಭಾಗ ಶಿರಸಿ ವಿಭಾಗ ನಿಯಂತ್ರಣಾಧಿಕಾರಿ-ಶ್ರೀನಿವಾಸ್‌ ಕೆ. ಹೆಚ್, ಚಾಲಕರಾದ ಜಟ್ಟಪ್ಪ ನಾಯ್ಕ ಮತ್ತು ಮಹೇಶ್‌ ನಾಯ್ಕ ಹಾಗೂ ಸಾರ್ವಜನಿಕರು, ಸಾರಿಗೆ ಸಿಬ್ಬಂದಿಗಳು ಉಪಸ್ಥಿತರಿದ್ರು..
Related posts:
ಕರ್ನಾಟಕ ರಾಜ್ಯ ಕಾರ್ಯನಿರತ ಪತ್ರಕರ್ತರ ಸಂಘ ಕೊಡಮಾಡುವ ವಿಶೇಷ ರಾಜ್ಯ ಪ್ರಶಸ್ತಿಗೆ ಆಯ್ಕೆಯಾದ ಪತ್ರಕರ್ತ ರಾಧಾಕೃಷ್ಣ ಭಟ್ಟ
ಸುನೀಲ್‌ ನಾಯ್ಕ ದಾಖಲೆಗಳಿದ್ದರೆ ಬಿಡುಗಡೆ ಮಾಡಲಿ-ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷರಿಂದ ತಿರುಗೇಟು
ಇಸ್ರೇಲ್‌ನಲ್ಲಿ ನೆಲೆಸಿರುವ ಭಟ್ಕಳದ 40ಕ್ಕೂ ಅಧಿಕ ಜನರ ಪಟ್ಟಿ ಲಭ್ಯ.. ನಿಟ್ಟುಸಿರು ಬಿಟ್ಟ ಕುಟುಂಬಸ್ಥರು….
ಶವವಾಗಿ ಪತ್ತೆಯಾದ ವಿವಾಹಿತ ಮಹಿಳೆ : ಮನನೊಂದು ಪತಿ ಆತ್ಮಹತ್ಯೆಗೆ ಯತ್ನ