ಹಳಿಯಾಳ : ಡಿಸೆಂಬರ್: 04 ರಂದು ಬೆಳಿಗ್ಗೆ 5 ಗಂಟೆಯಿಂದ 6 ಗಂಟೆಯ ಅವಧಿಯಲ್ಲಿ ವಾಕಿಂಗ್ ಮಾಡುತ್ತಿದ್ದಾಗ ಅಪರಿಚಿತ ವಾಹನವೊಂದು ವಿದ್ಯಾರ್ಥಿ ಮಂಜುನಾಥ್ ಬಸವರಾಜ ಇಂಗಳಗಿ ಎಂಬಾತನಿಗೆ ಅಪಘಾತ ಪಡಿಸಿ ಆತ ಸಾವನ್ನಪ್ಪಿದ್ದು, ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಪಘಾತ ಪಡಿಸಿದ ವಾಹನವನ್ನು ಮತ್ತು ಅದರ ಚಾಲಕನನ್ನು ಪತ್ತೆ ಹಚ್ಚದಿರುವುದು ಅತ್ಯಂತ ನೋವು ತಂದಿದೆ.
ಮೊದಲೇ ಮಗನನ್ನು ಕಳೆದುಕೊಂಡ ಆತನ ತಂದೆ, ತಾಯಿ ನಿತ್ಯ ರೋಧಿಸುತ್ತಿದ್ದು, ಈ ಬಡ ಕುಟುಂಬಕ್ಕೆ ನ್ಯಾಯ ದೊರಕಿಸಿಕೊಡಬೇಕಾದ ನಿಟ್ಟಿನಲ್ಲಿ ಈ ಕೂಡಲೆ ಅಪಘಾತ ಪಡಿಸಿದ ವಾಹನ ಮತ್ತು ಚಾಲಕನ್ನು ಪತ್ತೆ ಹಚ್ಚಿ ಕಾನೂನು ರೀತಿಯ ಕ್ರಮವನ್ನು ಕೈಗೊಳ್ಳಬೇಕೆಂದು ಕರವೇ (ಪ್ರ) ಬಣವು ಮಂಗಳವಾರ ಹಳಿಯಾಳ ಸಿಪಿಐ ಅವರಿಗೆ ಲಿಖಿತ ಮನವಿ ನೀಡಿ ಆಗ್ರಹಿಸಿದೆ.
ಈ ಸಂದರ್ಭದಲ್ಲಿ ಕರವೇ(ಪ್ರ) ಬಣದ ಜಿಲ್ಲಾ ಯುವ ಘಟಕದ ಅಧ್ಯಕ್ಷ ಪ್ರವೀಣ್ ಕೊಠಾರಿ, ಸಂಘಟನೆಯ ಹಳಿಯಾಳ ತಾಲೂಕು ಅಧ್ಯಕ್ಷ ಮಂಜುನಾಥ್ ಬೆಕಣಿ, ದಾಂಡೇಲಿ ತಾಲೂಕು ಘಟಕದ ಅಧ್ಯಕ್ಷ ಮಂಜುನಾಥ್ ಪಂತೋಜಿ, ಮೃತನ ತಂದೆ ಬಸವರಾಜ ಇಂಗಳಗಿ, ರತ್ನಾ.ಬಿ.ಇಂಗಳಗಿ, ಶಾಂತಾ.ಆರ್.ಸುಳ್ಳದ, ನೇತ್ರಾ ಇಂಗಳಗಿ, ನಾಗರಾಜ ಇಂಗಳಗಿ, ಮಹಾದೇವಿ ಇಂಗಳಗಿ, ರುದ್ರಮಣಿ ಪೊಲೀಸ್ ಗೌಡ, ನಾಗರಾಜ ಕುರುಬರ ಮೊದಲಾದವರು ಉಪಸ್ಥಿತರಿದ್ದರು.
Related posts:
ಗೃಹಲಕ್ಷ್ಮೀ ಯೋಜನೆಗೆ ಅರ್ಜಿ ಸಲ್ಲಿಸಿ, ಹಣ ಜಮಾವಾಗದಿದ್ದ ಫಲಾನುಭವಿಗಳು ಹತ್ತಿರದ ಅಂಗನವಾಡಿ ಕಾರ್ಯಕರ್ತರೆಯರನ್ನು ಸಂಪರ್ಕಿಸಿ
ಫುಟ್ಬಾಲ್ ಮತ್ತು ಕಬಡ್ಡಿ ಸ್ಪರ್ಧೆಯಲ್ಲಿ ಹಳಿಯಾಳ ಪಟ್ಟಣದ ವಿ.ಡಿ ಹೆಗಡೆ ಕಾಲೇಜಿನ ವಿದ್ಯಾರ್ಥಿನಿಯರು ರಾಜ್ಯಮಟ್ಟಕ್ಕೆ ಆಯ್ಕೆ
ಹಳಿಯಾಳ ತಾಲೂಕಿನ ಗುಂಡೊಳ್ಳಿ & ಸಾಂಬ್ರಾಣಿಯಲ್ಲಿ ಅನಧಿಕೃತವಾಗಿ ಮಧ್ಯ ಸೇವನೆಗೆ ಅವಕಾಶ : ಎರಡು ಕಡೆ ಪ್ರಕರಣ ದಾಖಲು
ಹವಗಿಯ ಶ್ರೀ. ಪಾರ್ಶ್ವನಾಥ ದಿಗಂಬರ ಬಸದಿಯಲ್ಲಿ ಶ್ರದ್ಧಾಭಕ್ತಿಯಿಂದ ನಡೆದ ವಿಶೇಷ ಪೂಜಾ ಕಾರ್ಯಕ್ರಮ