ದಾಂಡೇಲಿ ತಾಲೂಕಿನ ಹರೇಗಾಳಿಯಲ್ಲಿ ಕಾರು ಪಲ್ಟಿ : ಸವಾರ ಗಂಭೀರ

ದಾಂಡೇಲಿ : ತಾಲೂಕಿನ ಹರೇಗಾಳಿಯಲ್ಲಿ ಕಾರೊಂದು ಪಲ್ಟಿಯಾಗಿ ಕಾರಿನ ಚಾಲಕ ಕಾರಿನೊಳಗಡೆ ಸಿಕ್ಕಿಹಾಕಿ ಒದ್ದಾಡಿಕೊಂಡು ಗಂಭೀರ ಗಾಯಗೊಂಡ ಘಟನೆ ಬುಧವಾರ ರಾತ್ರಿ ನಡೆದಿದೆ.

ಕೆಎ 63 ಎಂ 7806 ಸಂಖ್ಯೆಯ ಲೋಂಡಾ ಕಡೆಯಿಂದ ಬರುತ್ತಿದ್ದ ಕಾರೊಂದು ಹರೇಗಾಳಿಯಲಿ ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿಯಾಗಿದೆ. ಈ ಸಂದರ್ಭದಲ್ಲಿ ಅದೇ ರಸ್ತೆಯಲ್ಲಿ ಹೋಗುತ್ತಿದ್ದ ಕೋಗಿಲಬನ ಗ್ರಾಮ ಪಂಚಾಯಿತಿ ಸದಸ್ಯ ರಮೇಶ್ ನಾಯ್ಕ ಹಾಗೂ ಮೊದಲಾದವರು ಸೇರಿ ಪಲ್ಟಿಯಾಗಿದ್ದ ಕಾರನ್ನು ಎಬ್ಬಿಸಿದ್ದಾರೆ. ಕಾರು ಸಂಪೂರ್ಣ ಜಖಂಗೊಂಡಿದ್ದು ಕಾರನ್ನು ಚಲಾಯಿಸುತ್ತಿದ್ದ ದಾಂಡೇಲಿಯ ಗಾಂಧಿನಗರದ ನಿವಾಸಿ ಗಂಗಾಧರ ಎಂಬವರು ಕಾರಿನಲ್ಲಿ ಸಿಕ್ಕಿಹಾಕಿಕೊಂಡು ಒದ್ದಾಡಿದ್ದರು. ಪರಿಣಾಮವಾಗಿ ಎರಡು ಕಾಲಿಗೂ ಬಲವಾದ ಹೊಡೆತ ಬಿದ್ದಿದೆ.

ಸ್ಥಳದಲ್ಲಿರುವ ಸಾರ್ವಜನಿಕರು ಗಂಗಾಧರ್ ಅವರನ್ನು ಕಾರಿನಿಂದ ಹೊರತೆಗೆಯಲು ಹರಸಾಹಸ ಪಟ್ಟು, ಕೊನೆಗೆ ದಾಂಡೇಲಿ ಗ್ರಾಮೀಣ ಪಿಎಸ್ಐ ಕೃಷ್ಣ ಗೌಡ ನೇತೃತ್ವದಲ್ಲಿ ಪೊಲೀಸ್ ಸಿಬ್ಬಂದಿಗಳು ಸ್ಥಳಕ್ಕೆ ಆಗಮಿಸಿ, ಗಂಗಾಧರ್ ಅವರನ್ನು ಕಾರಿನಿಂದ ಹೊರಗೆ ತರಲಾಯ್ತು.

ಕಾಲಿಗೆ ಗಂಭೀರವಾಗಿ ಗಾಯಗೊಂಡಿದ್ದ ಗಂಗಾಧರ್ ಅವರನ್ನು ದಾಂಡೇಲಿಯ ಸಾರ್ವಜನಿಕ ಆಸ್ಪತ್ರೆಗೆ ಕರೆತಂದು ಪ್ರಾಥಮಿಕ ಚಿಕಿತ್ಸೆಯನ್ನು ನೀಡಿ ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಯ ಸಚಿವರ ಆಸ್ಪತ್ರೆಗೆ ಕಳುಹಿಸಿಕೊಡಲಾಯ್ತು.

Related posts:

ಸರಕಾರದ ಸೌಲಭ್ಯ ಪಡೆಯಲು ವಂಚಿತರಾಗುತ್ತಿರುವ ಹೆಬ್ಬೆಟ್ಟು ಬೆರಳು ಸವಕಳಿಯಾದವರು : ಪರ್ಯಾಯ ಕ್ರಮಕ್ಕೆ ಮನವಿ ಆಗಸ್ಟ್ : 26 ರಂದು ದಾಂಡೇಲಿಯ ಪಾಟೀಲ್ ಆಸ್ಪತ್ರೆಯಲ್ಲಿ ಉಚಿತ ಬಂಜೆತನ ತಪಾಸಣಾ ಶಿಬಿರ. ಭರದಿಂದ ಸಾಗುತ್ತಿರುವ ಹೆಸ್ಕಾಂ ದಾಂಡೇಲಿ ವಿಭಾಗೀಯ ಕಾರ್ಯಾಲಯದ ಕಟ್ಟಡ ದಾಂಡೇಲಿ :ಮೈಸೂರಿನಲ್ಲಿ ನಡೆಯುತ್ತಿರುವ ಪ್ರತಿಭಟನೆಯಲ್ಲಿ ದಾಂಡೇಲಿಯ ಸಿಐಟಿಯು ಮುಖಂಡರು ಭಾಗಿ