ನಿನ್ನೆ ಕಾರಗದ್ದೆ ಹುರುಳಿಯಲ್ಲಿ ಪತ್ತೆಯಾದ ಅಪರಿಚಿತ ಶವದ ಗುರುತು ಪತ್ತೆ

ಭಟ್ಕಳ : ಜಾಲಿ ಪಟ್ಟಣ ಪಂಚಾಯತ ವ್ಯಾಪ್ತಿಯ ಕಾರಗದ್ದೆ ಹುರುಳಿಯ ಗೊಂಡರ ಕೇರಿಯ ನಿರ್ಜನ ಪ್ರದೇಶದಲ್ಲಿ ಪತ್ತೆಯಾದ ಅಪರಿಚಿತ ಶವದ ಗುರುತು  ಪತ್ತೆಯಾಗಿದೆ.

ಮೃತ ವ್ಯಕ್ತಿಯನ್ನು ಜಾಮಿಯಾಬಾದ್ ರೋಡ್ ಹೊನ್ನೆಗದ್ದೆ ನಿವಾಸಿ ಮೊಹ್ಮದ ಮೋಸಿನ್ ಶೇಕ್ (26) ಎಂದು ತಿಳಿದು ಬಂದಿದೆ. ಈತ ಕಳೆದ ಕೆಲ ತಿಂಗಳಿನಿಂದ ಮಾನಸಿಕವಾಗಿ ಅಸ್ವಸ್ಥತೆಗೆ ಒಳಗಾಗಿದ್ದ ಎಂದು ತಿಳಿದು ಬಂದಿದ್ದು. ಮೃತ ದೇಹದಲ್ಲಿದ್ದ ಲುಂಗಿ ಮತ್ತು ಟಿ ಶರ್ಟ್ ಆಧಾರದ ಮೇಲೆ ಗುರುತು ಪತ್ತೆಯಾಗಿದೆ.

ನಿನ್ನೆ ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾದ ಮೃತ ದೇಹವನ್ನು ಕಾರಗದ್ದೆಯಲ್ಲಿನ ಸ್ಮಶಾನದಲ್ಲಿ ಪೊಲೀಸರ ಮುಂದಾಳತ್ವದ್ವಲ್ಲಿ ಹೂತು ಅಂತ್ಯಕ್ರಿಯೆ ನಡೆಸಲಾಗಿತ್ತು. ಆದರೆ ಇಂದು ಮೃತ ದೇಹದ ಗುರುತು ಪತ್ತೆಯಾದ ಹಿನ್ನೆಲೆಯಲ್ಲಿ  ತಹಶೀಲ್ದಾರ್ ಸುಮಂತ ಉಪಸ್ಥಿತಿಯಲ್ಲಿ ಹೂತಿದ್ದ ಮೃತ ದೇಹದ ಅವಶೇಷವನ್ನು ಹೊರತೆಗೆದು ಕುಟುಂಬವರಿಗೆ ಹಸ್ತಾಂತರ ಮಾಡಲಾಗಿದೆ

ಯುವಕನ ಸಾವಿಗೆ ನಿಖರವಾದ ಕಾರಣ ತಿಳಿದು ಬಂದಿಲ್ಲವಾಗಿದ್ದು ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ

Related posts:

ಅಂಗಡಿ ಮುಂಗಟ್ಟುಗಳ ಮೇಲೆ ಮುಂದುವರಿದ ದಾಳಿ.! 20 ಕೆಜಿ ನಿಷೇಧಿತ ಪ್ಲಾಸ್ಟಿಕ್ ವಶ.! ಭಟ್ಕಳ ಸಂತೆಯಲ್ಲಿ ಅಧಿಕಾರಿಗಳಿಂದ ದಾಳಿ.! 20 ಕೆಜಿ ನಿಷೇಧಿತ ಪ್ಲಾಸ್ಟಿಕ್ ವಶ.! ತಂದೆಯ ಕಾರ್ಯ ಮುಗಿಸಿ ಮನೆಗೆ ಬಂದಾಗ ಕಾದಿತ್ತು ಶಾಕ್.! ಕ್ಷುಲ್ಲಕ ಕಾರಣಕ್ಕೆ ಜಗಳ – ವ್ಯಕ್ತಿಯ ಮೇಲೆ ಹಲ್ಲೆ