ಯಲ್ಲಾಪುರ: ಹೊಲದಲ್ಲಿ ಕೆಲಸ ಮಾಡುತ್ತಿರುವ ಸಂದರ್ಭದಲ್ಲಿ ಕರಡಿ ದಾಳಿ ನಡೆಸಿ ಯುವಕನನ್ನು ಗಂಭೀರವಾಗಿ ಗಾಯಗೊಳಿಸಿದ ಘಟನೆ ತಾಲೂಕಿನ ಕಣ್ಣಿಗೇರಿಯ ಸಮೀಪದ ಜನಶೆಟ್ಟಿಕೊಪ್ಪದಲ್ಲಿ ಗುರುವಾರ ನಡೆದಿದೆ. ಸಂತೋಷ ಲಾರೆನ್ಸ್ ಸಿದ್ದಿ ಗಾಯಗೊಂಡ ಯುವಕ.
ಈತ ತನ್ನ ಹೊಲದಲ್ಲಿ ಕೆಲಸ ಮಡುತ್ತಿರುವಾಗ ಕರಡಿ ದಾಳಿ ನಡೆಸಿ, ಕಣ್ಣು, ಮುಖ, ತಲೆಗೆ ಪರಚಿ ಗಂಭೀರವಾಗಿ ಗಾಯಗೊಳಿಸಿದೆ. ಗಾಯಾಳುವನ್ನು ಪಟ್ಟಣದ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ, ಪ್ರಥಮ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗಾಗಿ ಹುಬ್ಬಳ್ಳಿಗೆ ಕರೆದೊಯ್ಯಲಾಗಿದೆ.
