ಯಲ್ಲಾಪುರ: ಪಟ್ಟಣದ ದೇವಿ ಮೈದಾನದ 40 ನೇ ಸಾರ್ವಜನಿಕ ಗಣೇಶೋತ್ಸವದ ಪ್ರಯುಕ್ತ ಸಮಿತಿ ವತಿಯಿಂದ ಸೋಮವಾರ ಅನ್ನಸಂತರ್ಪಣೆ ನಡೆಯಿತು.
ಸಚಿವ ಶಿವರಾಮ ಹೆಬ್ಬಾರ ಭಕ್ತರಿಗೆ ಅನ್ನ ಪ್ರಸಾದ ಬಡಿಸುವ ಮೂಲಕ ಸೇವಾ ಕಾರ್ಯದಲ್ಲಿ ಭಾಗಿಯಾದರು. ಸಾವಿರಾರು ಭಕ್ತರು ಅನ್ನಪ್ರಸಾದ ಸ್ವೀಕರಿಸಿದರು. ಸಮಿತಿಯ ಅಧ್ಯಕ್ಷ ಉಲ್ಲಾಸ ಪ್ರಭು, ಪ್ರಧಾನ ಕಾರ್ಯದರ್ಶಿ ಸಂಜೀವಕುಮಾರ ಹೊಸ್ಕೇರಿ ಇತರರಿದ್ದರು.
ಉತ್ಸವದ ಪ್ರಯುಕ್ತ ರವಿವಾರ ಸಂಜೆ ನಡೆದ ಸಂಗೀತ ಸಂಜೆ ಕಾರ್ಯಕ್ರಮ ಜನಮನ ರಂಜಿಸಿತು. ಎದೆ ತುಂಬಿ ಹಾಡುವೆನು ಖ್ಯಾತಿಯ ವರ್ಷಿಣಿ ಶೆಟ್ಟಿ ಹಾಗೂ ದರ್ಶಿನಿ ಶೆಟ್ಟಿ ಸಹೋದರಿಯರು ಭಾವಗೀತೆ, ಭಕ್ತಿಗೀತೆ, ಸುಗಮ ಸಂಗೀತವನ್ನು ಸುಶ್ರಾವ್ಯವಾಗಿ ಪ್ರಸ್ತುತಪಡಿಸಿದರು. ಕೀಬೋರ್ಡ್ ನಲ್ಲಿ ಶಿವರಾಮ ಭಾಗ್ವತ ಕನಕನಹಳ್ಳಿ, ತಬಲಾದಲ್ಲಿ ಗಣೇಶ ಭಾಗ್ವತ ಗುಂಡ್ಕಲ್, ರಿದಂ ಪ್ಯಾಡ್ ನಲ್ಲಿ ಪ್ರವೀಣ ಇನಾಮದಾರ್ ಸಹಕರಿಸಿದರು.
