ಚಿತ್ರದುರ್ಗ: ಹೊಸದುರ್ಗ ಪಟ್ಟಣದಲ್ಲಿ ಕರಡಿಗಳ ಉಪಟಳ ಹೆಚ್ಚಾಗಿದೆ. ಹೊಸದುರ್ಗದ ಡಾಲರ್ಸ್ ಕಾಲೋನಿ, ಅರಹಂತ ಲೇಔಟ್ ನಲ್ಲಿ ಜನರಿಗೆ ಭೀತಿ ಎದುರಾಗಿದೆ. ರಾತ್ರಿ ವೇಳೆ ಬಡಾವಣೆಗಳಲ್ಲಿ ರಾಜಾರೋಷವಾಗಿ ಕರಡಿಗಳು ಓಡಾಡುತ್ತಿವೆ. ಮನೆ ಬಳಿ ಕರಡಿ ಓಡಾಟದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಇನ್ನು ಕರಡಿ ಉಪಟಳದ ಬಗ್ಗೆ ಮಾಹಿತಿ ನೀಡಿದರೂ ಅರಣ್ಯ ಇಲಾಖೆ ಅಧಿಕಾರಿಗಳು ನಿರ್ಲಕ್ಷ ಮಾಡುತ್ತಿದ್ದಾರೆ ಅಂತ ಜನರ ಕಿಡಿಕಾರಿದ್ದಾರೆ. ಜನ ಆತಂಕದಲ್ಲೇ ಬಡವಾಣೆಗಳಲ್ಲಿ ವಾಸ ಮಾಡುತ್ತಿದ್ದಾರೆ. ಅನಾಹುತಕ್ಕೂ ಮುನ್ನ ಕರಡಿ ಸೆರೆಹಿಡಿಯುವಂತೆ ಸ್ಥಳೀಯರು ಆಗ್ರಹಿಸಿದ್ದಾರೆ.
